Hans Reynolds () var ein norsk journalist, skribent, folketalar, lyrikar og statsstipendiat. Han er hugsa for sine viser og dikt frå heimbyen, mellom anna «Porsgrunnssangen».
Han tok middelskoleeksamen i 1892, og drog deretter til sjøs. Seinare arbeidde han som journalist i Varden, i Vestfold i Sandefjord og i Porsgrunds Tidende, der han også var den fyrste redaktøren, i 1899. Seinare skreiv han i fleire år for Norske Intelligenssedler.
Reynolds debuterte som lyrikar med Sange og stemninger (1899), og gav ut i alt 4 diktsamlingar. Etter kvart forlét han journalistyrket og levde som fri forfattar og føredragshaldar, frå 1919 som statsstipendiat.
Reynolds vitja tidlegare norske område som Island, Grønland og Færøyane, og gav ut reiseskildringar derifrå under fellestittelen Hjaa gamalt norskt folk. Han var også engasjert i Grønlandssaka, i norrønt samhald og i målsaka. Han var i åra 1929–32 redaktør av tidsskriftet Norrøna (Tidsskrift fyr norrøn samvinna). Han fekk Melsomprisen i 1927.
Litteratur Sange og stemninger (1899) Folkekamp (1905) Telerne i den norske her-soga (1909) Heimlege tonar (1911) Dagsens dikt (1920) Hos gammelt norsk folk (1905, frå Færøyane) Færøyarne – hjaa gamalt norskt folk (utvida utg., 1923) Island – hos gammelt norsk folk (1907) I vesterveg – hjaa gamalt norskt folk III – ferdaskildringar fraa Hebridarne, Orknøyarne, Shetland, Irland og Man (1912) Gimsøy kloster ved Skien (1917) Tilsjøs og iland : skisser fra en kystby (1920) Ferdaminne frå Søre-Jylland (1925) Grønland. Vestre bygdi (1926) Porsgrunns-maal – Ordsamling og Porsgrunnsviser (1952) (Ny utg. 1980, ISBN 82-90068-05-0)
Om han Hirth, Eirik. «Hans Reynolds» i Norsk aarbok; 1933 Haugholt, Karl. «Hans Reynolds og hans Porsgrunnsviser» i Edda; 1947
Kjelder Denne artikkelen bygger på «Hans Reynolds» frå , den 3. april 2009.
Bakgrunnsstoff Biografi på porsgrunn.folkebibl.no Biografi på aasentunet.no
Kategori:Norske lyrikarar Kategori:Norske sakprosaforfattarar Kategori:Norske forfattarar av reiseskildringar Kategori:Målfolk Kategori:Målfolk frå Grenland Kategori:Statsstipendiatar Kategori:Folk frå Porsgrunn Kategori:Vinnarar av Melsom-prisen