mini|Fødselen til Buddha i eit japansk relieff. mini|Feiring av fødselsdagen til Buddha som wesak i Malaysia. mini|Dragelanterne til høgtidsferinga i Sør-Korea.

Fødselsdagen til Buddha er høgtider som blir feira på fleire tidspunkt og under fleire namn innan ulike delar av buddhismen. Feiringa markerer fødselsdagen til Siddhartha Gautama, seinare kjend som Buddha, og i nokre høve også oppvakninga hans (parinirvana).

Innan fleire delar av buddhismen feirar ein ofte fødselsdagen til Buddha som vaisakha eller vesak. Dette gjeld til dømes buddhistar i India, Nepal, Singapore, Vietnam, Thailand, Kambodsja, Malaysia, Sri Lanka, Myanmar, Indonesia og Taiwan. Innan theravadabuddhismen omfattar denne feiring også dødsdagen og oppvakninga til Buddha. I indisk tradisjon feirar ein gjerne hendinga i heile månaden vaisakha, med sjølve fødselsdagen markert som Buddha purnima eller vaishakh purnima.

I austasiatisk tradisjon feirar ein ofte fødselsdagen den åttande i fjerde etter den kinesiske månekalenderen, tilsvarande ein dag i mai i den vestlege kalenderen. Dette er ein offentleg høgtidsdag i Hong Kong, Macao og Sør-Korea. På kinesisk heiter dagen fó dàn (pinyin, kinesisk skrift 佛誕) og på koreansk seokga tansinil (석가탄신일), 'dagen Buddha kom'.

Nokre stader i Søraust-Asia feirar ein dagen ei veke seinare, den femtande i fjerde, ved fullmåne. Dette er ein offentleg høgtidsdag i Malaysia, Singapore, Thailand og Vietnam. På thai er dagen kjend som visakha puja og på vietnamesisk som Lễ Phật đản.

I Japan feirar ein fødselsdagen, hanamatsuri, fast etter den gregorianske kalenderen den 8. april kvart år. Dette er ikkje ein offentlege høgtidsdag, men ei tempelfeiring.

År Austastiatisk dato(8.4. i kinesisk kalender) Søraustasiatisk dato(15.4. i kinesisk kalender) 2003 8. mai 2004 26. mai 2005 15. mai 2006 5. mai 2007 24. mai 2008 12. mai 19. mai 2009 2. mai 8. mai 2010 21. mai 27. mai 2011 10. mai 2012 28. mai 2013 17. mai 2014 6. mai 2015 25. mai

Kjelder Denne artikkelen bygger på «Buddha's Birthday» frå , den 6. april 2009.

Kategori:Buddhistiske høgtider Kategori:Fødselsdag