«Where Have All the Good Times Gone» er ein song av det engelske rockebandet The Kinks skriven av Ray Davies. Han vart først gjeven ut som B-sida til singelen «Till the End of the Day» og så på albumet The Kink Kontroversy i 1965.
Musikalsk har songen element av engelsk folkrock, som snart skulle verte den dominerande stilen for bandet utover 60-talet. Ray Davies syng om ønske om å få tilbake dei gode gamle dagane med linjer som, «Well once we had an easy ride and always felt the same / Time was on our side and I had everything to gain / Let it be like yesterday / Please let me have happy days», medan han seinare skeptisk syng om den eldre generasjonen som alltid snakkar om kor mykje betre alt var før i tida, «Ma and Pa look back at all the things they used to do / Didn’t have no money and they always told the truth / Daddy didn’t have no toys / And mummy didn’t need no boys». På dette punktet i songen har tydinga av refrenget snudd og høyrest meir ut som ein hån.Omtale på allmusic.com I siste vers har nostalgien blåst over til ein harme over generasjonskløfta og Davies kjem med den hånlege kommentaren «Well, yesterday was such an easy game for you to play / But let’s face it things are so much easier today / Guess you need some bringing down / And get your feet back on the ground»
Andre versjonar Songen har fått status som ein klassikar og er med på mange samleplater. Han har òg vorten spelt av David Bowie på albumet Pin Ups og av Van Halen på albumet Diver Down. Dette var den andre The Kinks-songen Van Halen spelte i lag med «You Really Got Me».
Etter Bowie si utgåve kom ut, gav Pye ut songen som singel i november 1973 med «Lola» som B-side, men gjekk ikkje inn på salslistene.
Kjelder Delar av denne artikkelen bygger på «Where Have All the Good Times Gone» frå , den 16. april 2009.
Bakgrunnsstoff [ Songen på Allmusic]
Kategori:The Kinks-songar Kategori:Singlar frå 1965 Kategori:Songar frå 1965 Kategori:Songar produserte av Shel Talmy Kategori:Songar produserte av Ken Scott Kategori:Songar skrivne av Ray Davies Kategori:Pye Records-singlar Kategori:David Bowie-songar Kategori:Van Halen-songar Kategori:Songar om nostalgi