«Please, Please, Please» er ein R&B-song skriven av James Brown og Johnny Terry og spelt inn av Brown and The Famous Flames. Han vart gjeven ut som singel på det Cincinnati-baserte selskapet Federal Records og var den første professjonelle innspelinga og hitten til Brown. Singelen selde etter kvart over ein million eksemplar. Han vart signaturlåten til Brown og eit fast innslag på konsertane hans.
Brown hadde djupe røter i sørstats gospelmusikk, og «Please, Please, Please» syner den 23 år gamle Brown med knust hjarte som inntrengande ber jenta si om ikkje å gå frå han. The Famous Flames song glatte vokalharmoniar bak den lidenskaplege vokalen til Brown.
«Please, Please, Please» nådde sjetteplassen på R&B-lista i USA, men gjorde det ikkje særleg godt hos pop-publikummet og nådde berre 105. plass på pop-lista. Eit album kalla opp etter songen vart gjeven ut seint i 1958 etter at Brown hadde fått ein ny R&B-hit med «Try Me».
I 1964 vart singelen gjeven ut på ny på King Records med publikum på eit lydspor for å skape kjensla av ei konsertinnspeling. Denne gongen nådde singelen 95. plass på Billboard Hot 100.
I 2004 vart «Please, Please, Please» rangert på 142. plass på lista til musikkmagasinet Rolling Stone over dei 500 største songane gjennom tidene.
Medverkande James Brown - solovokal
with The (Famous) Flames: Bobby Byrd - vokal Johnny Terry - vokal Sylvester Keels - vokal Nash Knox - vokal Nafloyd Scott - gitar
samt: Wilbert «Lee Diamond» Smith - tenorsaksofon Ray Felder - tenorsaksofon Lucas «Fats» Gonder - piano Clarence Mack - bass Edison Gore - trommer
Andre utgåver «Please, Please, Please» er spelt inn av mange andre artistar, mellom andre Tina Turner og den britiske rockegruppa The Who på debutalbumet deira My Generation frå 1965.
Kjelder
Denne artikkelen bygger på «Please, Please, Please» frå , den 26. juni 2009. oppgav desse kjeldene: Leeds, Alan M. og Harry Weinger (1991). Star Time: Song by Song. In Star Time (s. 46-53) [CD-omslag]. London: Polydor Records. White, Cliff (1991). Discography. In Star Time (s. 54-59) [CD-omslag]. London: Polydor Records.
Kategori:Singlar frå 1956 Kategori:Songar frå 1956 Kategori:Debutsinglar frå 1956 Kategori:Federal Records-singlar Kategori:Grammy Hall of Fame Award Kategori:James Brown-songar Kategori:Songar skrivne av James Brown Kategori:The Famous Flames-songar Kategori:The Who-songar Kategori:Ike & Tina Turner-songar Kategori:The Isley Brothers-songar Kategori:Little Milton-songar Kategori:Stevie Wonder-songar Kategori:Delbert McClinton-songar Kategori:The Sonics-songar Kategori:Otis Rush-songar 143