Nils Nygaard () var ein norsk professor i juss ved Universitetet i Bergen. Han var frå Imsland i Ryfylke.
Sidan Nygaard var odelsgut til ein skogeiendom, tok han i unge år både økonomisk og juridisk utdanning for å førebu seg til overtakinga. Nygaard starta å studere juss ved Universitetet i Oslo då han var 30 år. Han blei utdanna cand. jur. i 1967 og tok i 1974 den første juridiske doktorgraden ved UiB med avhandlinga Aktløysevurderinga i norsk rettspraksis. Nygaard si forsking har hovudsakleg vore innanfor erstatningsrett og boka Skade og ansvar er eit av standardverka innan erstatningsrett i Noreg. Han blei i 2007 tildelt målprisen av Juristmållaget for å ha vore «ein føregangsmann i å utvikla omgrepsapparatet på nynorsk i bøkene og artiklane sine».
Nygaard har også gitt ut Rettsgrunnlag og Standpunkt – ein grundig gjennomgang av den metoden jurister nyttar.
Kjelder
Bakgrunnsstoff Heimeside ved UiB
Kategori:Norske jusprofessorar Kategori:Professorar ved Universitetet i Bergen Kategori:Norske juristar Kategori:Folk frå Vindafjord