mini|Sametingsgruppa til Norske Samers Riksforbund i perioden 2005–2009.
Norske Samers Riksforbund (fork. NSR, nordsamisk Norgga Sámiid Riikkasearvi, lulesamisk Vuona Sámij Rijkasiebrre, sørsamisk Nøørjen Saemiej Rijhkesiebrie) er den største samiske organisasjonen i Noreg. Organisasjonen stiller vallister ved Sametingsval og har lenge samarbeidd med Samefolkets parti og Samepolitisk Råd i Senterpartiet politisk.
NSR blei stifta 30. november 1968, men historia til organisasjonen går lengre tilbake. Den første sameforeininga på norsk sida blei stifta allereie i 1906, to år etter Elsa Laulas manande appell frå 1904 og den første foreininga på svensk side. NSR blei grunnlagd som eit samband av dei lokale sameforeiningane i Finnmark og Oslo Sámiid Searvi. NSR stod sentralt i kampen mot utbygging av Alta-Kautokeino vassdraget. Dei tre første presidentane til det norske Sametinget, Ole Henrik Magga, Sven-Roald Nystø og Aili Keskitalo, har komme frå NSR. NSR har hovudsekretariatet i Guovdageaidnu/Kautokeino.
Liste over leiarar
2022– : Beatrice Fløystad 2021–2022: Vidar Andersen (konst.) 2018–2021: Runar Myrnes Balto 2014–2018: Beaska Niillas 2013–2014: Gunn-Britt Retter (konst.) 2008–2013: Aili Keskitalo 2006–2008: Silje Karine Muotka 2005–2006: Martin Urheim (konst.) 2003–2005: Aili Keskitalo 2001–2003: Klemet Erland Hætta 1998–2001: Jánoš Trosten 1997–1998: Geir Tommy Pedersen (konst.) 1995–1997: Sven-Roald Nystø 1991–1995: Nils Thomas Utsi 1985–1991: Ragnhild Lydia Nystad 1980–1985: Ole Henrik Magga 1979–1980: Odd Ivar Solbakk 1976–1979: Peder Andersen 1974–1976: Odd Mathis Hætta 1971–1974: Regnor Solbakk 1969–1971: Johan Mathis Klemetsen
Bakgrunnsstoff Norske Samers Riksforbund
Kategori:Samiske organisasjonar Kategori:Norske organisasjonar Kategori:Samisk politikk Kategori:Norske politiske parti Kategori:Skipingar i 1968