Lazar Moisejevitsj Kaganovitsj () var ein sovjetisk politikar. Han fekk tilnamnet «Jern-Lazar». Kaganovitsj var fyrstesekretær i kommunistpartiet i Ukraina frå 1925 til 1928. Han bidrog aktivt i tvangskollektiviseringa av jordbruket, noko som førte til ei hungersnaud der millionar av menneske døydde.
Han støtta Josef Stalin sitt kandidatur til å verte sovjetisk leiar under maktkampen etter at Vladimir Lenin var død. Mellom anna juksa Kaganovitsj i valet av ny generalsekretær under partikongressen i 1934. Kaganovitsj var ein av dei fem mest tiltrudde medarbeidarane til Josef Stalin fram til slutten av utreinskingane mot slutten av 1930-talet, men hadde viktige posisjonar i Politbyrået heilt til Stalin døydde. I 1957 vart han fråteken alle verv i partiet, mistenkt for å drive fraksjonsverksemd, før han i 1961 vart ekskludert som ein hardnakka stalinist. Han døydde like før Sovjetunionen formelt vart oppløyst i 1991.
Merknadar
Kjelder
«Lazar Moisejevitsj Kaganovitsj» på SNL.no, innhenta 19. april 2020. «Lazar Kaganovitsj» på Caplex.no, innhenta 26. november 2009. «Lazar Kaganovitsj» på Wikipedia på bokmål og riksmål, innhenta 26. november 2009.
Bakgrunnsstoff
Kategori:Sovjetleiarar Kategori:Stalinistar