Arne Vinje, tidlegare Arne Vinje Gulbrandsen, () var ein norsk sjakkspelar, Noregsmeister i sjakk 1965 og 1968, Internasjonal Meister i sjakk (IM) 1981 og Stormeister i fjernsjakk i 2001.
Sjakk-karriere Arne Vinje vann junior-NM i sjakk i 1959.
Han spelte seg deretter raskt inn i den norske eliten, og debuterte på det norske landslaget i Sjakk-OL (lag-VM i sjakk) i 1962. Han deltok i sjakk-OL også i 1964, 1970 og 1982, på 4. bord dei to første gongane og 3. bord dei to siste. Han klarte +19 =11 -13, 24,5 poeng på 43 parti, 57,0 % skår.Arne Vinje sine resultat i sjakk-OL hos Olimpbase
Utanom dei to Noregsmeister-titlane i 1965 og 1968 hadde han ei rekkje gode plasseringar i Noregsmeisterskapen i sjakk.
Internasjonal Meister i sjakk IM-tittelen kom etter sterke prestasjonar i tre internasjonale sjakkturneringar i 1980-1981: Skien International 1980, 7-13. januar 1980: Kategori 4, Elo-snitt 2343,5 - 6 poeng på 9 rundar.Norsk Sjakkblad nr. 1 1980, s. 52-53Norsk Sjakkblad nr. 4 1981, s. 4 Oslo Chess International 1981, 29. desember 1980 - 4. januar 1981: Kategori 4, Elo-snitt 2327 - 6 poeng på 9 rundar.Norsk Sjakkblad nr. 2 1981, s. 22-23Norsk Sjakkblad nr. 4 1981, s. 4 Viking Chess International 1981, Oslo 13-19. april 1981, Kategori 4, Elo-snitt 2334,5 - 7 poeng på 9 rundar og siger i turneringa.Norsk Sjakkblad nr. 4 1981, s. 4 og 5
Han blei dermed den sjuande frå Noreg som klarte krava til denne tittelen.
Stormeister i fjernsjakk Arne Vinje vart etter kvart mindre aktiv i nærsjakk, og satsa i staden på fjernsjakk, med svært gode resultat. Han blei Internasjonal Meister i fjernsjakk ved å vinne den 51. Europameisterskapen i fjernsjakk 1994-1998, med 12 poeng på 14 parti.Turneringstabellen for den 51. Europameisterskapen i fjernsjakk. og deretter Stormeister i fjernsjakk i 2001 ved å dele førsteplassen i 3/4-finala til det 17. VM i fjernsjakk, med 10,5 poeng på 16 parti. Turneringstabell for 3/4-finalen til det 17.VM i fjernsjakk
Kjelder Norsk Sjakkblad nr. 4 1981 Olimpbase.com, vitja 9. mai 2010 Norsk fjernsjakkforbund, vitja 9. mai 2010 Minneord ved Øystein Brekke, vitja 10. september 2011
Fotnotar
Bakgrunnsstoff Nokre av Arne Vinje sine parti hos Chessgames.com Nokre av Arne Vinje sine parti hos Norbase
Kategori:Noregsmeistrar i sjakk Kategori:Internasjonale meistrar i sjakk Kategori:Norske sjakkspelarar Kategori:Internasjonale fjernsjakkstormeistrar Kategori:Junior-noregsmeistrar i sjakk