Anders Hanssen Grønneberg () var ein norsk skipper, offiser, gardbrukar og eidsvollsmann.
Grønneberg var fødd i Berg sokn i Brunlanes, der faren var lensmann. Sjølv vart han sjømann, etter kvart skipper. Under napoleonskrigane vart han utnemnd til såkalla månadsløytnant, deltok i erobringa av to engelske kutterar ved Stavern. Slo seg sidan ned på farsgarden som gardbrukar.
I 1814 var Grønneberg utsending frå Larvik grevskap til riksforsamlinga på Eidsvoll. Han deltok ikkje aktivt i forhandlingane, men røysta truleg med sjølvstendepartiet.
Han døydde på garden sin, Ødelund, i Berg sokn i 1819. Det finst ingen bygningar att frå hans tid på garden.
Kjelder
Tallak Lindstøl: Stortinget og Statsraadet 1814-1914. Kristiania, 1914, digital utgåve side 307
Kategori:Eidsvollmenn Kategori:Norske gardbrukarar Kategori:Norske offiserar Kategori:Folk frå Larvik