Tiriltunge er ei plante i ertefamilien. Ho er utbreidd i Europa, Asia og det nordlege Afrika. I Noreg veks ho i turre bakkar, vegkantar og på kulturmark over heile landet, meir sjeldan lengst nord. På Hardangervidda er ho funnen opp til 1405 m.o.h.
mini|venstre|Botanisk teikning av tiriltunge.
Planta har blågrøne småblad utan tydelege sidenervar. Oftast tre-fire blomstrar saman. Gule kronblad, litt raudfarga utvendes. Tiriltunga blømer omkring juni.
Tiriltunga lever i symbiose med ein bakterieart, Rhizobium leguminosarum, som veks i ertestore knollar på rotsystemet. Denne bakterien har evna til å binde opp nitrogen frå lufta, og nitrogenet er til nytte for tiriltunga. I staden får bakterien vatn og mineralnæring.
Kjelder
Wikipedia på norsk bokmål. Svensk Wikipedia. Johannes Lid: Norsk-svensk-finsk flora. Det Norske Samlaget, 1985.
Bakgrunnsstoff
Den virtuella floran (svenskspråklig) Høgskulen i Volda
Kategori:Viltveksande plantar i Noreg Kategori:Erteblomfamilien Kategori:Tiriltungeslekta