Arne Friedrich () er ein tysk tidlegare fotballspelar som spelte i åtte sesongar, frå 2002 til 2010, for Hertha Berlin. Han representerte 2006-10 Tyskland i tre landslagsturneringar. Friedrich var vanlegvis midtstoppar, men vart ofte brukt på både sideback og defensiv midtbane.
Klubbspel Friedrich gjorde 2000-02 teneste i tysk bundesliga for Arminia Bielefeld. Der etter var han Hertha Berlin-spelar i åtte sesongar, lagkaptein frå 2004. Etter at klubben frå Berlin rykte ned i 2010, gjekk han over til VfL Wolfsburg. Her fekk han heller lite speletid, plaga av skade vart han løyst frå kontrakten i september 2011. Han la opp i 2012 etter å ha vore innom Chicago Fire i USA.
Landslagsspel Friedrich debuterte for Tyskland sitt landslag 21. august 2002, i ein kamp mot Bulgaria. Den første store turneringa hans var fotball-EM i 2004, der han spelte alle Tyskland sine tre kampar, før eit svakt mannskap rauk ut etter gruppespelet. I fotball-VM i 2006 gjekk det betre for Tyskland og Friedrich, som spelte alle Tyskland sine kampar, utanom bronsefinalen då han var skadd. I fotball-EM i 2008 var han i utgangspunktet reserve, men då Marcell Jansen vart skadd, spelte han frå start i den siste gruppekampen og alle dei tre gjenverande kampane. I fotball-VM i 2010 spelte han frå start til slutt i alle dei sju kampane, då Tyskland tok bronsemedalje. Han skåra sitt einaste landslagsmål i kvartfinalen mot Argentina, i det som var den 77. landskampen hans. 3. juni 2011 i Wien spelte han sin 82. og siste landskamp. Friedrich var lagkaptein i to kampar.
Merittar VM-bronse: 2006 og 2010 for Tyskland EM-sølv: 2008 for Tyskland
Kjelder
Denne artikkelen bygger på «Arne Friedrich» frå , den 3. august 2026.
eu-football
Kategori:Tyske fotballspelarar Kategori:Arminia Bielefeld-spelarar Kategori:Hertha Berlin-spelarar Kategori:Wolfsburg-spelarar Kategori:Spelarar i Fotball-EM 2004 Kategori:Spelarar i Fotball-VM 2006 Kategori:Spelarar i Fotball-EM 2008 Kategori:Spelarar i Fotball-VM 2010