Våge er ein matrikkelgard i Hyllestad kommune i Sogn og Fjordane fylke. Garden har matrikkelnummer 4.
Geografi Våge ligg på sørsida av Skifjorden og grensar i vest til Kjøpstad, i nord til Skifjorden, i aust til sidefjorden Vågane og i sør til Åsmul. Det går kommunal veg til garden frå Fylkesveg 65 i Sogn og Fjordane. Historie I skattematrikkelen frå 1647 er garden lista som audegard og han høyrde til Øn kyrkje. Garden var kyrkjegods fram til 1802. Våge hadde eitt bruk fram til 1926.
Namnet Namnet kjem av at garden ligg ved fjordarmen Vågane. I kjeldene er namnet skrive «Woge» (1563), «Voige» (1603), «Woige» (1608) og «Waage» (1667).
Statens kartverk godkjende skrivemåten «Våge» i 1983.
Gardsnamnet vert også brukt som slektsnamn, skrivemåten har då vore «Waage» og «Våge».
Stadnamnet Våge er kjend frå mange andre stader i landet, og også frå Jämtland i Sverige.
Sjå òg Matrikkelgardar i Hyllestad kommune
Kjelder
Vidare lesnad
Bakgrunnsstoff «Våge» i Gardsleksikonet på nettstaden til Sogn og Fjordane Fylkesarkiv «Våge» i matrikkelutkastet av 1950 «Våge» i gardsmatrikkelen for 1886
Kategori:Gardar i Hyllestad