Riding with the King er eit bluesalbum av Eric Clapton og B.B. King som kom ut i 2000. Det var det første samarbeidet deira på plate og dei vann Grammyprisen for beste tradisjonelle bluesalbum i 2000. Albumet nådde førsteplassen i USA og i Noreg. Det vart òg gjeven ut på DVD-Audio med høgare oppløyst og i ein kringlyd#5.1 kringlyd-miks i 2000.
Albumet fekk generelt god kritikk, men enkelte følte at det kunne ha vore betre og at lyden på plata var for polert for eit bluesalbum.
Bakgrunn Riding with the King var det første samarbeidsalbumet til Eric Clapton og B.B. King. Dei spelte i lag første gongen i Cafe Au Go Go i New York City i 1967 då Clapton var 22 og medlem av Cream, men dei spelte ikkje inn noko i lag før 1997, då King samarbeidde med Clapton på songen «Rock Me Baby» for duettalbumet hans, Deuces Wild. Clapton såg opp til King og hadde alltid ønskt å lage eit album med han. King sa at dei ofte diskuterte prosjektet og la til: «Eg beundrar han. Eg syns han er nr. 1 i rock 'n' roll som gitarist og nr. 1 som ein flott person». På tida då Riding with the King kom ut var Clapton 55 og King 74.
Clapton sette i stand innspelinga for Riding with the King og tok med seg nokre av sine faste studiomusikarar på albumet. Han valde òg ut songane og samproduserte det i lag med Simon Climie, som tidlegare hadde arbeidd på fleire Clapton-album. Det såg ut til at det var eit Clapton-album innspelt i lag med King, men Clapton sette King først, og let han spele og synge solo på mange av songane.
Innhald Albumet inneheld fem «gamle» King-songar frå 1950- og 1960-åra: «Ten Long Years», «Three O'Clock Blues», «Help the Poor», «Days of Old» og «When My Heart Beats Like a Hammer». Andre standarar var Big Bill Broonzy-songen «Key to the Highway» (som Clapton hadde spelt inn tidleg i 1970-åra med Derek and the Dominos), Maceo Merriweather sin «Worried Life Blues», ein cover av Isaac Hayes-songen «Hold On, I'm Comin'», opphavleg ein singel i 1966 for Sam & Dave, og «Come Rain or Come Shine» frå musikalen St. Louis Woman frå 1946.
Albumet var ei blanding av akustiske og elektriske songar.
Mottaking William Ruhlmann i Allmusic merka seg at Riding with the King handlar meir om King enn om Clapton og at Clapton meir speler ei støtterolle på albumet. Ruhlmann sa at resultatet er «effektivt», men «aldri verkeleg makelaust» Dan Moos i PopMatters skildra albumet som «ein sterk bluescocktail ... med ein del Mr. Clapton glattheit med tre delar Mr Kings blues-statur». Steve Futterman i Entertainment Weekly kalla samarbeidet mellom «far» og «son» for «triumferande».
Riding with the King nådde førsteplassen på Blues-lista i 2000 og vart gjeven dobbel platinaplate i USA. Det vart òg kåra til årets beste tradisjonelle bluesalbum i USA.
Innhald
Musikarar
B.B. King – gitar, solovokal Eric Clapton – gitar, solovokal (spor 1, 3–9, 11, 12) Doyle Bramhall II – gitar (spor 1, 2, 4, 6, 7, 9–12), korvokal (spor 4, 7) Andy Fairweather Low – gitar (spor 1, 2, 4, 6, 7, 9–12) Jimmie Vaughan – gitar (spor 6) Joe Sample – piano (1, 5, 6, 9, 10, 11), Wurlitzer piano (spor 1, 2, 11)
Tim Carmon – orgel (spor 1 to 7, 9–12) Nathan East – bass Steve Gadd – trommer Arif Mardin – strykearrangement Susannah Melvoin – korvokal (spor 1, 4, 7, 9, 11, 12) Wendy Melvoin – korvokal (spor 1, 4, 7, 9, 11, 12) Paul Waller – programmering
Kjelde: Discogs
Teknisk
Alan Douglas – lydteknikar, miksing (spor 2, 3, 5, 8–11) Tom Sweeney – lydteknikarassistent Mick Guzauski – miksing (spor 1, 4, 6, 7, 12) Eric Clapton – produsent Simon Climie – produsent
Robert Sebree – fotografi Don Paulsen – fotografi Wherefore Art? – design Stephen Walker – kunstnarisk leiar
Kjelde: Discogs
Salslister
Vekeslister Liste (2000–2015)PlasseringAustralian Jazz/Blues Albums (ARIA)1Canadian Top Albums (The Record)13Canadian Top Albums/CDs (RPM)4Den danske albumlista (Hitlisten)2Den europeiske albumlista (IFPI)6Den japanske albumlista (Oricon)4Den spanske albumilsta (AFYVE)10US Top Internet Albums (Billboard)1
Årslister Liste (2000)PlasseringDen australske albumlista (ARIA)67Den austerrikske albumlista (Ö3 Austria)30Den belgiske albumlista (Ultratop Flandern)103Den belgiske albumlista (Ultratop Vallonia)99Canada Top Albums/CDs (RPM)96Den nederlandske albumlista (MegaCharts)51Den finske albumlista (Suomen virallinen lista)72Den franske albumlista (SNEP)96Den tyske albumlista33Den italienske albumlista (FIMI)31Den japanske albumlista (Oricon)97Den newzealandske albumlista (RMNZ)23Den norske albumlista (VG-lista)10Den sveistiske albumlista (Schweizer Hitparade)47UK Albums (OCC)65US Billboard 20052
Liste (2001)PlasseringAustralian Blues/Jazz Albums (ARIA)5
Salstrofé
Kjelder Denne artikkelen bygger på «Riding with the King (B. B. King and Eric Clapton album)» frå , den 15. mars 2011.
Kategori:Eric Clapton-album Kategori:B.B. King-album Kategori:Musikkalbum frå 2000 Kategori:Album på toppen av VG-lista Kategori:Reprise Records-album