Gjert Martines Markvarsson Holsen () var ein norsk gardbrukar og stortingsmann frå Holsen sokn i Førde i Sunnfjord.
Holsen var son til ein gardbrukar. Han overtok farsgarden i 1888 og dreiv denne i lang tid. Perioden 1887-1910 var han medlem av heradsstyret i Førde, åstadskommissær i seks år.
Holsen representerte Nordre Bergenhus amt på Stortinget 1889-1900 og 1903-06, og deretter einmannskrinsen Sunnfjord 1906-12. Bolken 1889-97 var han medlem av tollkomiteen, 1898-1900 og 1903-12 av budsjettkomiteen. Elles var han 1903-12 medlem av Lagtinget, der han var president i 1905-06, og i valkomiteen. Han var med i spesialkomiteen av 1905 og medlem av Stortinget sin deputasjon til kongekroninga i Trondheim i 1906.
Kjelde Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1889-1891 Kategori:Stortingsrepresentantar 1892-1894 Kategori:Stortingsrepresentantar 1895-1897 Kategori:Stortingsrepresentantar 1898-1900 Kategori:Stortingsrepresentantar 1904-1906 Kategori:Stortingsrepresentantar 1907-1909 Kategori:Stortingsrepresentantar 1910-1912 Kategori:Folk frå Førde Kategori:Norske gardbrukarar frå 1800-talet Kategori:Norske gardbrukarar frå 1900-talet