Petter Johan Matias Moe-Johansen, oftast skrive for P. Moe-Johansen (), var ein norsk avisredaktør og politikar for Arbeidarpartiet og Norges Socialdemokratiske Arbeiderparti.
Liv og gjerning Moe-Johansen var fødd utanfor ekteskap på Mo i Stordal. Etternamnet er ein kombinasjon av garden mor hans var frå, og faren sitt namn. Faren var frå den nærliggande garden Øvrebust, han reiste til Nord-Amerika før guten vart fødd. Mora vart seinare gift i grannebygda Ørskog, der sonen voks opp.
Han starta som avismedarbeidar då han var seksten år gammal. I 1904 vart han redaktør for arbeidaravisa Nybrott i Ålesund. Sidan var han redaktør av Nordlys, og Den 1ste Mai. Han kom på kant både med aviseigarane og med lokale partimedlemer, og vart erstatta med Cornelius Holmboe i 1908. I 1911 tok Moe-Johansen over redaktørstolen i Smaalenenes Socialdemokrat. Han vart verande redaktør til 1943, då han vart fjerna som del av nazistyret sin utreinskingspolitikk. Historikaren Tore Pryser har elles ført prov for at Moe-Johansen etter ei tid vart positiv til det nazistiske styret.
Moe-Johansen deltok i kommunal politikk. Då Arbeidarpartiet vart kløyvt i 1921, følgde Moe Johansen den moderate fløya som danna Sosialdemokratisk arbeidarparti. Han var ein av dei leiande agitatorane i arbeidarpressa mot Moskvatesene. Då dei to partia slo seg saman att i 1927, vart han på ny med i Arbeidarpartiet. Sosialdemokratane hadde fullstendig dominert Østfold fylke, som var eit av få fylke der Arbeidarpartiet ikkje var størst. Moe-Johansen hadde håpa at avisa hans skulle verte fylkesorgan for Arbeidarpartiet. I staden vart ho redusert til lokalavis, då både Sarpsborg og Halden hadde fått arbeidarblad som kom ut dagleg.Maurseth, 1987: s. 432
Moe-Johansen døydde i 1952 og vart gravlagd i Glemmen.
Notar
Kategori:Norske redaktørar Kategori:Folk frå Stordal Kategori:Folk frå Fredrikstad