Curt Hugo Johannes Weibull, () var ein svensk historikar, pedagog og forfattar. Lauritz Weibull var ein eldre bror. Begge hevda sterkt at historieskrivinga måtte einast baserast på fakta og kjensgjerningar.
Biografi Weibull vart fødd i Lund i Skåne, der faren var professor i historie. Han gjekk sjølv på Lunds universitet. Frå 1927 til 1953 var han professor i historie ved Göteborgs högskola, og frå 1936-1946 rektor for same. I 1928 grunnla han og broren Lauritz tidsskriftet Scandia. Dei er kjende for å ha innført kjeldekritisk teori i svensk historisk forsking, inspirert av den tyske historikaren Leopold von Ranke. Weibull var ein viktig mentor for historikaren Erik Lönnroth, som vidareutvikla den kjeldekritiske metoden.
Hans viktigaste og mest påskjøna arbeid er ein kritikk av den ahistoriske tolkinga av Gesta Danorum, eit verk frå på 1100-talet av den danske historikaren Saxo Grammaticus. Denne avhandlinga, kalla Saxo. Kritiska undersökningar i Danmarks historia från Sven Estridsens død till Knut VI, var ganske kontroversielt då den kom ut, ettersom den avslørte eit vagt grunnlag for Danmarks eldre historie.
Hans siste arbeid vart publisert då han var 105 år gammal, ein artikkel i ei bok til feiringa av 100-årsjubileet for Göteborgs Universitet.
Utvalde verk Sverige och dess nordiska grannmakter under den tidigare medeltiden. 1921 Lübeck och Skånemarknaden. Studier i Lübecks pundtullsböcker och pundtullskvitton 1368-1369 och 1398-1400. 1922 Drottning Christina. Studier och forskningar. 1931 Göteborgs Högskola: Dess förhistoria och uppkomst. 1941 Händelser och utvecklingslinjer. Historiska studier. 1949 Göta älvs mynning. Land och Stader fram i äldre medeltid. 1950 Tionden i Skåne under senare delen av 1600-talet. 1952 Die Auswanderung der Goten aus Schweden. 1958 Källkritik och historia: Norden under äldre medeltiden. 1964 Die Geaten des Beowulfepos und Die dänischen Trelleburgen: zwei Diskussionsbeiträge. 1974
Kategori:Svenske historikarar Kategori:Svenske forfattarar Kategori:Svenske historieprofessorar Kategori:Professorar ved Göteborgs universitet
Denne artikkelen bygger på «Curt Webull» frå , den 4. august 2011.