Frode Grodås () er ein norsk tidlegare fotballspelar og noverande trenar. Han er sidan 2010 målvaktstrenar for det norske herrelandslaget i fotball. Grodås var målvakt på topplan i 23 år, mellom anna var han norsk landslagskaptein under VM i 1998.
Spelar Grodås spelte i 1981-sesongen for femtedivisjonslaget Hornindal Idrettslag i heimbygda. Året etter debuterte han i den norske toppserien som 17-åring for Sogndal.
Sidan spelte Grodås for Lillestrøm Sportsklubb, der han var med å vinne seriemeisterskpen i 1989. Frå 1996 spela han for klubbar i England, Tyskland og Spania. I 1997 opplevde han høgdepunktet i si tid som klubbspelar; han stod i mål for Chelsea då laget vann FA-cupen. Tida 1998-2002 var han reservekeeper i høvesvis Tottenham og Schalke 04. Schalke 04 hyra han inn for å erstatte Jens Lehmann, men han vart etter nokre månader leigd ut til den spanske klubben Racing Santander. Han avslutta si tid som spelar i førstedivisjonsklubben Hønefoss åra 2002 og 2003.
Grodås spelte 50 landskampar for Noreg. Han debuterte i 1991, og spelte sin siste landskamp i 2002 mot Danmark i ein kamp som enda 2–2. Høgdepunktet som landslagsmålvakt kom då Noreg sigra over Brasil i verdsmeisterskapen 1998 med siffera 2-1. Større delar av si tid i landslagstroppen tevla han med Erik Thorstvedt om målvaktsplassen, såleis vart han sitjande på benken i mange landskampar.
Trenar Grodås var i 2006-sesongen hovudtrenar for Hamarkameratene. Sesongen enda med direkte nedrykk frå Tippeligaen, noko som førte til at Grodås slutta som trenar etter sesongslutt.
Etter å ha fungert som målvaktstrenar for Lillestrøm Sportsklubb i perioden 2007 til 2010, er han frå sitsnemnde år målvaktstrenar for det norske herrelandslaget i fotball.
Klubb- og kampoversyn KlubbKamparMålPeriode; Hornindal Idrettslag–1982; Sogndal Fotball1982–1986; Lillestrøm Sportsklubb 18211986–1996; Chelsea FC 2101996–1998; Tottenham Hotspur FC 001998; Schalke 04301998–2002; Racing Santander601999; Hønefoss Ballklubb 4902002–2003
Kategori:Spelarar i Fotball-VM 1994 Kategori:Spelarar i Fotball-VM 1998 Kategori:Norske landslagsspelarar i fotball Kategori:Hønefoss-spelarar Kategori:Lillestrøm-spelarar Kategori:Sogndal-spelarar Kategori:Chelsea-spelarar Kategori:Norske fotballtrenarar Kategori:Folk frå Hornindal Kategori:Målvakter i fotball