Katherine Elizabeth Hudson, betre kjend som Katy Perry, () er ein USA-amerikansk songar frå Santa Barbara i California. Ho er mellom anna kjend for singlane «I Kissed a Girl», «Hot 'n Cold», «California Gurls», «Teenage Dreams», «Firework» og «E.T.» (sistnemnde i samarbeid med rapparen Kanye West). Perry var den første artisten med ein singel på Billboard Hot 100 i 52 veker etter kvarandre, ein rekord ho seinare utvida til 69 veker.
I 2008 var ho vert for MTV Europe Music Awards, der ho vann prisen for beste nye artist (Best New Act). I 2011 vann ho prisen frå same gruppe for beste live-artist (Best Live Act). Musikkmagasinet Billboard utnemnde henne til «årets kvinne» i 2012.
Perry har også opptredd som skodespelar, mellom anna i filmane Get Him To the Greek frå 2010 og Zoolander 2 frå 2016.
Kate Perry var gift med den britiske komikaren Russell Brand frå 2010 til paret skilde lag i 2012. Diskografi
Katy Hudson (2001) One of the Boys (2008) Teenage Dream (2010) Prism (2013)
Kjelder
Denne artikkelen bygger på «Katy Perry» frå , den 7. november 2011.
Bakgrunnsstoff
Kategori:USA-amerikanske songarar Kategori:USA-amerikanske låtskrivarar Kategori:Folk frå California Kategori:USA-amerikanske skodespelarar Kategori:Juno-vinnarar Kategori:Brit Award-vinnarar