São Tomé er hovudstad og den største byen på øystaten São Tomé og Príncipe i Vest-Afrika. Han har rundt 50 000 innbyggjarar.
Byen blei grunnlagd av portugisarar i 1485, og er bygd opp kring ei domkyrkje frå 1500-talet. Ein annan tidleg bygning er Fort São Sebastião frå 1575 som i dag er nasjonalmuseet på São Tomé.
mini|venstre|Taxiar i São Tomé.
São Tomé ligg på nordaustkysten av øya São Tomé, og er ein viktig lokal hamneby. São Tomé internasjonale lufthamn ligg like utanfor byen.«São Tomé», Encyclopædia Britannica (henta 7. april 2013) São Tomé har også vegsamband med byane Trindade, Guadalupe og Santana.
Kjelder
Denne artikkelen bygger på «São Tomé» frå , den 7. april 2013.
Bakgrunnsstoff
Sao Tome Sao Tome