mini|Lunde bru Lunde bru er ei tørrmurt steinkvelvingsbru på riksveg 251 i Etnedal kommune i Innlandet. Brua kryssar elva Etna ved Lunde. Lunde bru er 132 meter lang og vart bygd mellom 1827 og 1829. Ho er den eldste tørrmurte steinkvelvingsbrua som framleis er i bruk på riksvegnettet (vegen vart i 2010 omklassifisert til fylkesveg). Brua vart freda i 1984. Tidlegare var det trebru på Lunde (oppført i 1795) då hovudvegen mellom Christiania og Bergen vart lagt om Etnedal.Hvattum, Harald (1993): På gamle vegar i Valdres. Fagernes: Valdres Forlag/Valdres Folkemuseum.
Brua har til saman tre kvelv, og er 7 meter høg på midten. Hovudkvelvets lysvidde er 21,2 meter. Delar av brua vart sprengt av norske soldatar i 1940, men ho vart restaurert året etter. Brua er brukt i Etnedal kommune sitt kommunevåpen.
Galleri
Sjå og Bruer i Noreg
Kjelder Nasjonal verneplan for veger, bruer og vegrelaterte kulturminner (avsnitt om Lunde bru s.239)
Bakgrunnsstoff
__NOTOC__ Kategori:Bruer i Innlandet Kategori:Vegar i Etnedal Kategori:1829 i Noreg Kategori:Bruer opna i 1829 Kategori:Kulturminne i Etnedal Kategori:Norsk veghistorie Kategori:Freda bygg i Innlandet