Herøynytt var ei nettavis på Sunnmøre. Nettstaden vart skipa i 2002, og lagt ned i 2018.
Nettavisa hadde kontor i Fosnavåg og faste tilsette i redaksjon og marknad. Herøynytt drifta òg tenester som nettkamera, bruktmarknadsplass, eiga skipstrafikkteneste og skipslister.
I 2010 vart Herøynytt kjøpt opp av mediehuset Sunnmørsposten. Nettavisa vart drive vidare som eige medie, men vart gradvis gjort om til ei rein avisside for Sunnmørsposten sine artiklar. I samband med oppkjøpet av papiravisa Vestlandsnytt i 2017, varsla Sunnmørsposten at Herøynytt ville bli avvikla ved lansering av Vestlandsnytt på nett.
Herøynytt vart tatt av nett ved utgangen av februar 2018, etter 16 års drift.
Referansar
Kategori:Norske nettaviser Kategori:Tidlegare norske aviser Kategori:Tidlegare aviser i Møre og Romsdal Kategori:Herøy kommune i Møre og Romsdal Kategori:Norske aviser etter namn Kategori:Aviser skipa i 2002 Kategori:2002 i Noreg Kategori:Nedleggingar i 2018