mini|Matti Hautamäki i 2011 Matti Antero Hautamäki () er ein finsk tidlegare skihoppar frå Uleåborg. Han vann ei rad medaljar, 13 i alt, i ulike internasjonale meisterskap mellom 2001 og 2010. Frå verdsmeistrakapar og olympiadar fekk han med seg to individuelle sølvmedaljar og to bronsemedaljar. Dessutan var han med på å verte verdsmeister i laghopp for Finland i 2003, og vann elles seks sølvmedaljar og to bronsemedaljar med ulike finske hopplag, flest medaljar saman med Janne Ahonen. Både i 2002 og i 2005 kom Hautamäki på tredjeplass i verdscupen i skihopping. Han sigra i 16 enkeltrenn i verdscupen. Også den to år eldre broren Jussi Hautamäki tevla internasjonalt i skihopping.
Aktiv Matti Hautamäki vann i 2001 den fyrste av i alt ni internasjonale medaljar i laghopp for Finland. På finsk heimegrunn i Lahti fekk han VM-sølv saman med Risto Jussilainen, Ville Kantee og Janne Ahonen, to små poeng bakom verdsmeisterlaget frå Austerrike. Sesongen 2001/02 kom Hautamäki på andreplass i den tysk-austerrikske hoppveka. Same sesongen kom han på bronseplassen både i storbakken under vinter-OL og i VM i skiflyging.
I 2003 vann Hautamäki sølvmedaljen i storbakken under ski-VM i Val di Fiemme, der han også vart verdsmeister i laghopping. Mot slutten av same sesongen forbetra han verdsrekorden for lengste ståande skihopp tre gongar, siste gongen til 231 meter. Denne rekorden, som vart sett i Planica, var gjeldande verdsrekord til mars 2005, då Bjørn Einar Romøren forbetra rekorden til 239 meter i den same skiflygingsbakken.
Hautamäki vann den fjerde og siste individuelle hoppmedaljen under vinter-OL 2006, eitt poeng bak gullvinnaren Lars Bystøl frå Voss. Fire år seinare vann Hautamäki sin niande og siste lagmedalje med Finlands firemannslag under VM i skiflyging i Planica.
Medaljar og besteplasseringar i internasjonale meisterskap VM 2001 i Lahti: Nr 9 i normalbakken OL i Salt Lake City 2002: Bronsemedalje i storbakken VM 2002 i Harrachov: Bronsemedalje i skiflyging VM 2003 i Val di Fiemme: Sølvmedalje i storbakken VM 2004 i Planica: Nr 7 i skiflyging VM 2005 i Oberstdorf: Nr 6 i storbakken OL i Torino 2006: Sølvmedalje i normalbakken VM 2006 i Kulm: Nr 11 i skiflyging VM 2007 i Sapporo: Nr 15 i normalbakken VM 2008 i Oberstdorf: Nr 14 i skiflyging VM 2009 i Liberec: Nr 11 i storbakken VM 2011 i Oslo: Nr 5 i storbakken
Medaljar i laghopp i internasjonale meisterskap VM 2001 i Lahti: Sølvmedalje i normalbakken OL i Salt Lake City 2002: Sølvmedalje i laghopp VM 2003 i Val di Fiemme: Gullmedalje i laghopp i storbakken VM 2004 i Planica: Sølvmedalje i laghopp i skiflyging VM 2005 i Oberstdorf: Sølvmedalje i laghopp i storbakken OL i Torino 2006: Bronsemedlaje i laghopp i storbakken VM 2006 i Kulm: Sølvmedalje i laghopp i skiflyging VM 2008 i Oberstdorf: Sølvmedalje i laghopp i skiflyging VM 2010 i Planica: Bronsemedalje i laghopp i skiflyging
Verdscupsigrar Nr. Dato Stad Land 1. 2. desember 2000 Kuusamo Finland 2. 19. januar 2002 Zakopane Polen 3. 13. mars 2002 Falun Sverige 4. 15. mars 2002 Trondheim Noreg 5. 22. mars 2003 Planica Slovenia 6. 23. mars 2003 Planica Slovenia 7. 28. november 2003 Kuusamo Finland 8. 23. januar 2004 Hakuba Japan 9. 11. februar 2005 Pragelato Italia 10. 6. mars 2005 Lahti Finland 11. 8. mars 2005 Kuopio Finland 12. 11. mars 2005 Lillehammer Noreg 13. 13. mars 2005 Oslo Noreg 14. 19. mars 2005 Planica Slovenia 15. 28. januar 2006 Zakopane Polen 16. 29. januar 2006 Zakopane Polen
Hautamäki la opp som skihoppar i 2012.
Kjelder Denne artikkelen bygger på «Matti Hautamäki» frå , den 1. desember 2012.
Bakgrunnsstoff
Kategori:Finske skihopparar Kategori:Verdsmeistrar i skihopping Kategori:Olympiske sølvmedaljevinnarar for Finland Kategori:Olympiske bronsemedaljevinnarar for Finland Kategori:Olympiske medaljevinnarar i skihopping Kategori:Medaljevinnarar under vinter-OL 2002 Kategori:Finske deltakarar under vinter-OL 2002 Kategori:Skihopparar under vinter-OL 2002 Kategori:Medaljevinnarar under vinter-OL 2006 Kategori:Finske deltakarar under vinter-OL 2006 Kategori:Skihopparar under vinter-OL 2006 Kategori:Finske deltakarar under vinter-OL 2010 Kategori:Skihopparar under vinter-OL 2010 Kategori:Deltakarar under Ski-VM 2001 Kategori:Deltakarar under Ski-VM 2003 Kategori:Deltakarar under Ski-VM 2005 Kategori:Deltakarar under Ski-VM 2007 Kategori:Deltakarar under Ski-VM 2009 Kategori:Deltakarar under Ski-VM 2011