Drammen stasjon ligg 2,2 meter over havet på breidda av Drammenselva i den luten av Drammen som heiter Strømsø, og er ein stasjon for både Drammensbanen mot Oslo Sentralstasjon, Vestfoldbanen mot byane i Vestfold, Sørlandsbanen over Hokksund til Kristiansand og Stavanger, og Randsfjordbanen mot Hønefoss (strekninga Drammen – Hokksund på Sørlandsbanen er opphavleg ei strekning på Randsfjordbanen). Persontoga på Bergensbanen går òg om Drammen stasjon og over Randsfjordbanen på strekninga mellom Oslo Sentralstasjon og Hønefoss.
Drammen stasjon, som ligg 42 kilometer frå Oslo Sentralstasjon, vart opna 15. november 1866, då Randsfjordbanen vart teke i bruk, og er ombygd fleire gongar.
Bakgrunnsstoff
Drammen stasjon i Norsk Jernbaneklubbs stasjonsdatabase. Drammen stasjon på Jernbaneverkets internettsider
Kategori:Jarnbanestasjonar i Buskerud Kategori:Samferdsle i Drammen Kategori:Byggverk i Drammen Kategori:Bygningar teikna av Georg Andreas Bull Kategori:Jarnbanestasjonar opna i 1866 Kategori:Stasjonar på Bergensbanen Kategori:Jarnbanestasjonar på Drammenbanen Kategori:Jarnbanestasjonar på Randsfjordbanen Kategori:Jarnbanestasjonar på Sørlandsbanen Kategori:Jarnbanestasjonar på Vestfoldbanen Kategori:1866 i Noreg