miniatyr|Flaggstenger med og utan flagg under Vinter-OL 2014. mini|Fransk flaggstongdesign frå 1838. Flaggstong er ei stong reist for å kunna henga opp flagg, vimpel eller banner i. Ei flaggstong kan vera laga av tre, metall eller glasfiber. Ho blir montert loddrett i bakken eller på berg. I toppen kan ho ha ei kule, medan det som skal heisast opp blir halde på plass med ei line.

Ei fasadeflaggstong eller fasadestong er ei mindre flaggstong som ein kan festa på ein vegg eller ein balkong på skrått eller vassrett.

Bruk På flaggstenger kan ein heisa nasjonalflagg, særleg på flaggdagar, helgedagar eller ved andra særskilde høgtider og markeringar som fødselsdagar. Ved andre høve kan ein bruka vimpel.

Ved dødsfall og gravferder heng ein flagg på halv stong for å markera sorg. Dette inneber at ein først heiser flagget til toppen av stonga, før ein straks senkar det ned til 2/3 høgd om det er ei frittående flaggstong, eller til halve høgda om det er ei fasadestong. Når ein tek dette flagget ned gjer ein manøveren baklengs - først heiser ein flagget til toppen og deretter tek ein det ned. Konstruksjon Tradisjonelle flaggstonger er av tre med eit skår i toppen som flaggstonglina går gjennom. I moderne tid er det vanlegare å laga flaggstenger av glasfiber eller tre limt på ei hol stong med ein ventilasjonskanal i stonga. Gjennom dette risikerer ein ikkje fukt- og roteproblem i stonga. Flaggstenger er ofte kvite, men finst også i andre fargar.

Line Flaggstonglina blir sett på plass før ein reiser flaggstonga. Flaggstongliner var opphavleg laga av hamp og liknande, tilverka ved eit reipslageri. I dag er det vanleg med line i spunnen nylon, som er meir haldbart. Ein nytter lina til å heisa flagget opp i flaggstonga og å halda det på plass. Lengda på ei flaggstongline er dobbelt så stor som den til flaggstonga, i tillegg til ei tryggleikslengd på 1-3 meter. Etter oppheising av eit flagg fester ein flaggstonglina med eit dobbelt halvslag på flaggstångsknappen.

Feste for lina mini|upright|venstre|Tradisjonell klamp for linefeste. Flaggstongar kan ha ein klamp til å festa lina i som kan vera av plast, tre eller lettmetall. Han er ofte festa på flaggstonga cirka 1,40 meter over bakkenivå. Det finst også flaggstenger med doble klampar der den øvste sit fire meter over bakken. Ein kan festa lina i den øvre klampen for å hindra uvedkomande frå å tukla med flagget.

Moderne flaggstenger kan ha sveiv i staden for klamp til å heisa og fira flagget med. Flaggstenger på offentlege stader har ofte også ei lita låsbar dør på stonga for å hindra uønskt bruk.

Topp miniatyr|upright|Svensk flaggstongkule. På toppen av ei flaggstong har ein gjerne ei kule. Kula kan ha ulike storleikar og utformingar alt etter kor høg og flott flaggstonga er. Eksklusive kuler kan vera av glas og dekte med bladgull, medan andre kan vera av plast. Kula kan vera heilt rund, oval eller dropeforma. Øvst kan ho ha eit lite spir eller ein verhane.

Vedlikehald

Ei nylonline bør byttast ut med om lag 10 års mellomrom. Dette kan ofte også vera den tiden ein bør vaska sjølve flaggstonga. Flaggstenger av tre må ein derimot måla jamleg.

Mål Storleik på flagg og vimpel

Stonglengd (m) 6,00 8,00 9,00 10,0 11,0 12,0 14,0 Flagglengd (m) 1,50 2,00 2,40 2,40 3,00 3,00 3,60 Vimpellengd (m) 2,00 3,00 3,00 3,00 4,00 4,00 5,00

Flaggstenger med høgder på over 100 meter

Namn/stad Stad Land Høgd (m) Bygd (år) Flaggstorleik (m²) Flaggbreidde (m) Flagghøgd (m) Flaggvekt (kg) Flaggstonga i Jidda Jidda Saudi-Arabia 171 2014 1635 33 49,5 570 Boghi Partschami millij (Nasjonalflaggparken) Dusjanbe Tadsjikistan 165 2011 1800 30 60 700 Dövlət Bayrağı Meydanı (Statsflaggplassen) Baku Aserbajdsjan 162 2010 2450 35 70 350 Kijŏng-dong Nord-Korea 160 1980-åra 270 Türkmenistanyň Baş Baýdagy Aşgabat Turkmenistan 133 2008 2000 Akaba Jordan 130 2004 Raghadan-flaggstonga Amman Jordan 126 2003 1800 Abu Dhabi Dei sameinte arabiske emirata 122 2001 Merdeka Square Kuala Lumpur Malaysia 100 Awaza Turkmenistan 100 2013 600 20 30

Sjå òg Flagging

Kjelder

Denne artikkelen bygger på «Flaggstång» frå , den 8. juli 2018. Denne artikkelen bygger på «Fahnenmast» frå , den 8. juli 2018.

Bakgrunnsstoff Hur och var placerade man flaggstången under 1900-talets första hälft? Foton från Bohuslän

Kategori:Flagging Kategori:Søyler