Jakob Peter Helmer Andersen () var ein norsk fiskar, fyrvaktar og stortingsmann frå Dverberg i Nordland. Han var medlem av Venstre.
Andersen var son til ein fiskar og husmann. Etter å ha vore fiskar nokre år, var han frå 1878 busett i Berlevåg i Finnmark. Der arbeidde han som oppsynsmann og arbeidsformann for telegrafvesenet. I 1887 gjekk han tilbake til fiskeria, frå 1896 med eigen båt. Frå 1897 budde han i Honningsvåg.
Andersen fekk stipend til å studera fiskeri i Danmark i 1902. I 1909 fekk han stilling i fyrstellet, arbeidde fyrste åra ved Ytterøyane fyr i Sunnfjord, frå 1913 var han fyrvaktar på Røværsholmen fyrstasjon.
Andersen var medlem av Tana heradsstyre, seinare av Kjelvik skule- og fattigstyre. Valbolken 1903-06 var han 2. representant på Stortinget for Finmarkens amt. I den neste perioden, 1906-09, representerte han einmannskrinsen Vest-Finnmarken. Han var medlem av næringskomite nr. 1 i den fyrste stortingsperioden, i den andre av næringskomite nr 2.
Kjelder
Lindstøl, Tallak: Stortinget og Statsraadet 1814-1914. Kristiania, 1914 Jakob Peter Helmer Andersen , Biografier 1905-1945, nsd.uib.no Rogaland fylke, Haugesund by, Dødsfallsprotokoll (SAST/A-101415/G/Ga/L0005), 1914-1922, oppb: Statsarkivet i Stavanger. , arkivverket.no
Kategori:Stortingsrepresentantar 1904-1906 Kategori:Stortingsrepresentantar 1907-1909 Kategori:Norske fiskarar Kategori:Fyrvaktarar Kategori:Folk frå Andøy