Harald Wergeland () var ein norsk teoretisk fysikar.
Etter examen artium på Eidsvoll blei han kjemiingeniør frå NTH i 1936, og dr. philos. frå Universitetet i Oslo 1942, visiterande hos Werner Heisenberg i Leipzig 1937-39 og under Egil Hylleraas i Oslo 1939-45. Han var professor i teoretisk fysikk ved NTH frå 1946 og blei i 1947 med i Atomutvalet leia av Svein Rosseland. Han stilte seg tvilande til om landet trong Haldenreaktoren i 1955 og var pådrivar for Det Nordiske Institutt for Teoretisk Atomfysikk (NORDITA) som blei oppretta i København i 1957. Etter aldersgrensa gjekk han i 1979 over til seniorstipendium i Forskningsrådet.
Wergeland forska på eksperimentell kjernefysikk, saman med Johan Peter Holtsmark og Roald Tangen, fysikalsk kjemi, kosmisk stråling, mangepartikkelproblem som kondensasjon av gassar til væsker, helium ved låge temperaturar, og spreiingsproblem i akustikk og i kvantemekanikk.
Forresten grunnla han den norske greina av Pugwash-rørsla saman med Sven J. Cyvin og Tormod Førland, begge professorar i fysikalsk kjemi ved NTH. Wergeland var òg ein av leiarane i Aksjon mot Atomkraft. Wergeland var oldebarn på farfarsida av offiseren Harald Nicolai Storm Wergeland (1814-93). Han var far til Ebba Wergeland (f. 1946) og Nicolai Wergeland som begge er legar.
Verv og utmerkingar Det Norske Videnskaps-Akademi innvalt 1943 Det Kongelige Norske Videnskabers Selskab med frå 1946 (preses 1959–65) Fridtjof Nansens belønning for fremragende forskning 1951 St. Olavs Orden riddar i 1. klasse 1960 Det Kongelige Danske Videnskabernes Selskab fra 1964 International Union of Pure and Applied Physics, visepresident ein periode Gunnerusmedaljen 1970
Kjelder Denne artikkelen bygger på «Harald Wergeland» frå , den 22. februar 2013. oppgav desse kjeldene:
Kategori:Norske fysikarar Kategori:Norske fysikkprofessorar Kategori:Professorar ved NTH Kategori:Norske sivilingeniørar kategori:Norske kjernefysikarar Kategori:Medlemmar av Det Norske Videnskaps-Akademi Kategori:Medlemmar av Det Kongelige Norske Videnskabers Selskab Kategori:Folk frå Ringerike Kategori:St. Olavs Orden Kategori:Fysikarar på 1900-talet Kategori:Folk tilknytte CERN