Dr. Julius Robert Oppenheimer () var ein amerikansk fysikar av tysk-jødisk opphav.
Han vart fødd i ein jødisk familie. Faren, ein rik tekstilimportør, hadde immigrert frå Tyskland i 1888. Robert Oppenheimer studerte fysikk, klassisk filologi, orientalistikk og kjemi ved Harvard, Cambridge og Göttingen. Han tok doktorgraden ved Göttingen, og arbeidde her med Niels Bohr og Edward Teller. I 1929 vart han professor ved Berkeley University i California.
Frå 1943 til 1945 leia han Manhattanprosjektet i New Mexico, som hadde som mål å utvikle atombomba. Han blir gjerne kalla «far til atombomba». Etter å ha sett kva for redslar bomba skapte i Hiroshima og Nagasaki vart han likevel ein overtydd motstandar av bruk av atomvåpen, og nekta å delta i utviklinga av hydrogenbomba. Han engasjerte seg i internasjonal lobbyverksemd for nedrusting og for internasjonal kontroll av alle atomvåpen. På 1950-talet vart han skulda for anti-amerikansk verksemd og påståtte tidlegare kommunistsympatiar, og vart fråteke tryggleiksklareringa si. Sjølv om han hadde mista all innverknad i USA, fortsette han å undervise, skrive og arbeide med fysisk forsking. Han vart først rehabilitert i 1963 av president Lyndon B. Johnson.
Kjelder Denne artikkelen bygger på «Robert Oppenheimer» frå , den 14. april 2013.
Bakgrunnsstoff
Kategori:USA-amerikanske fysikarar Kategori:USA-amerikanske kjernefysikarar Kategori:Folk tilknytte Manhattanprosjektet Kategori:USA-amerikanarar frå andre verdskrigen Kategori:Folk frå New York City Kategori:Professorar ved UC Berkeley Kategori:Medlemmar av Royal Society Kategori:USA-amerikanske jødar Kategori:Æreslegionen Kategori:Teoretiske fysikarar Kategori:Fysikarar på 1900-talet