Mount Friesland er eit fjell i Tangra Mountains på Livingston Island i Sør-Shetlandsøyane. Det ligg kring 12,5 km nordaust for Barnard Point, 9,7 km aust-søraust for St. Kliment Ohridski Base, 3,6 km søraust for toppen av Pliska Ridge, 6,1 km søraust for Mount Bowles, 2,9 km sør-sørvest for Camp Academia, 7 km vest for Great Needle Peak og 6,85 km nordvest for Samuel Point. Fjellet er stort sett dekt av isbrear med mange bresprekkar. mini|venstre|Mount Friesland frå Perunikabreen, med Pliska Ridge til høgre.
Amerikanske og britiske selfangarar kjende til fjellet så tidleg som 1820–21, og det har gjennom tida vorte kalla Peak of Frezeland, Friezland Peak og Friesland Peak. Tidleg på 1900-talet vart namnet Barnard, som James Weddell hadde nytta i 1825 om den nærliggande Needle Peak, flytta til dette fjellet. Det originale namnet er no gjenoppretta. Namnet Barnard Point har sidan vorte nytta om eit nes på søraustsida av False Bay.
Den første klatringa av Mount Friesland vart gjort frå Juan Carlos I Base den 30. desember 1991 av dei katalanske klatrarane Francesc Sàbat og Jorge Enrique, som Sàbat Hill og Enrique Hill er kalla opp etter. Fjellet er sidan klatra av andre folk.
Sjå òg Ultratoppar i Antarktis
Kjelder
Bakgrunnsstoff Antarctic Mountains: Climbing in Antarctica. "Mount Friesland, Antarctica" on Peakbagger
Kategori:Tangra Mountains Kategori:Fjell på Livingston Island