Filippo di Memmo (), betre kjend som Lippo Memmi, var ein italiensk målar som kan knytast til sienaskulen og internasjonal gotikk. Arbeida hans følgde mange konvensjonar frå bysantinsk kunst.
Liv Memmi var fødd og døydde i Siena. Han var elev, samarbeidar og svoger av Simone Martini.
Lippo Memmi måla berre religiøs kuns. Han stod bak fleire fresker, eitt av hans største verk var Maestà frå 1317 i Palazzo Comunale i San Gimignano, inspirert av Martini sitt verk i Palazzo Pubblico i Siena. Eit anna verk tillagd han er Madonna dei Raccomandati (ca. 1320) i Orvieto domkyrkje, som viser jomfru Maria som verna innbyggjarane i byen under kappen sin.
Memmi samarbeidde med Simone Martini på Kunngjeringa og to helgenar frå 1333, og gjorde truleg mest arbeid med helgenane. Han reiste med Martini til paven i Avignon, og arbeidde der til rundt 1350. Deretter vende han tilbake til Siena.
Galleri
Kjelder
«Simone Martini», Encyclopædia Britannica Lippo Memmi ( - ) , wwar.com «Memmi, Lippo», Historical dictionary of Renaissance art. Lilian H. Zirpolo. 2008. Ved renaissance_art.enacademic.com.
Bakgrunnsstoff
Lippo Memmi ved artcyclopedia.com (peikarar til andre nettstader)
Kategori:Italienske målarar Kategori:Gotiske målarar Kategori:Mellomalderkunstnarar Kategori:Folk frå Siena Kategori:Fødde på 1200-talet Kategori:Døde på 1300-talet Kategori:Målarar frå 1300-talet