mini|Durga i tradisjonell utforming i Burdwan i Bengal. Durga er ei av hovudformene til morgudinna i hinduismen. Ho er knytt til styrke, vern, moderskap, krig og øydelegging. Ho blir vidt dyrka av folk som følgjer den gudinne-sentrerte sekta sjaktisme, og har stor tyding i andre retningar som sjaivisme og vaisjnavisme.
Namn Ordet Durga (दुर्गा) betyr bokstaveleg ‘uframkomeleg’, ‘uovervinneleg, uangripeleg’. Det er i slekt med ordet durg (दुर्ग) som tydger ‘borg, nokoosom er vanskeleg å overvinna eller passera’.
Durga er også kjend som Mahisa-mardini, for å ha drepe bøffeldemonen Mahisjasura. Ho er også kjend som Vindhyavasini (‘ho som bur i Vindhyafjella’). Andre epitet er Mahamoha (‘stor villeiing’), Mahasuri (‘den store ho-demonen’), Tamasi (‘den store natta, villeiingsnatta’).
Innan sjaktisme har Durga mange epitet. Dei ni namn hennar som Navadurga er: Shailaputri, Brahmacharini, Chandraghanta, Kushmanda, Skandamata, Katyayini, Kalaratri, Mahagauri og Siddhidatri.
Framstilling Durga blir framstilt som ei vakker og mektig kvinne. Ho har ei løve eller ein tiger som ridedyr (vahana). Gudinna blir ofte framstilt med fleire par armar som held ulike våpen, og kan visast i kamp mot demonar eller med ein demonkonge ho har sigra over, Mahisjasura, ved føtene. Ho er rekna som maken til Sjiva, men opptrer som oftast åleine.
Tilbeding Durga-dyrking er utbreidd i India, med Bengal, Nepal og Himalaya som viktige kjerneområde. Ho blir ofte dyrka under våp- og hausthøgtider, særleg Durga puja, Durga ashtami, vijayadashami, dipavali og Navaratri. Durga-festen eller Durga-podja blir feira om hausten i samband med høgtida navaratri (‘ni netter’).
Sjå òg Devi Sjakti
Kjelder
Bibliografi
Denne artikkelen bygger på «Durga» frå , den 5. juni 2024.
Bakgrunnsstoff
Kategori:Hindugudar Kategori:Modergudinner Kategori:Namn knytte til hinduismen