Antares, òg kjend med Bayer-nemninga Alfa Scorpii (forkorta til α Scorpii eller α Sco), er den syttande mest lyssterke stjerna på nattehimmelen og den mest lyssterke stjerna i stjerneteiknet Skorpionen, og er ofte omtalt som «hjartet i skorpionen». I lag med Aldebaran, Regulus og Fomalhaut, dannar Antares ei gruppe som vert kalla 'Kongelege stjernene i Persia'. Ho er ei av dei fire mest lyssterke stjernene nær ekliptikken.
Ein kan sjå med det blotte auget at Antares er raud, og stjerna er ei raud superkjempe med spektralklasse M2Iab og er ein av dei største og mest lysande observerbare stjernene. Ho er ei langsam irregulær variabel stjerne med ein gjennomsnittleg storleiksorden på +1,09. Antares er den mest lyssterke, mest massive og mest utvikla stjerna i den næraste OB-stjernehopen (Skorpionen-Kentauren-hopen). Antares er ein del av the Øvre Skorpionen subgroup of the Skorpionen-Kentauren-hopen, som består av tusenvis av stjerner med ein gjennomsnittleg alder på 11 millionar år i ein avstand på kring 470 lysår.
Eigenskapar mini|venstre|Samanlikning mellom den raude superkjempa Antares og sola, synt som ein liten prikk øvst til høgre. Den svarte sirkelen er storleiken til banen til Mars. Arcturus er òg med i biletet for samanlikning.
Antares er ei superkjempe med stjerneklassifiseringa M1.5Iab-b. Ho har ein radius som er kring 883 gonger sola sin; og om ho vart plassert i midten av solsystemet, ville den ytre flata liggje mellom banen til Mars og Jupuiter. Antares ligg kring 550 lysår frå jorda. Den synlege luminositeten er kring 10 000 gonger større enn for sola, men fordi stjerna stråler ut mykje av energien sin i den infraraude delen av spektrumet, er den bolometriske luminositeten lik 65 000 gonger sola sin. Massen til stjerna er kalkulert å vere kring 15 til 18 solmassar. Nyare analysar indikerer at massen er kring 17 solmassar og at alderen 12 millionar år.
Antares har ei følgjestjerne, Antares B. Avstanden mellom dei to stjernene er kring 574 astronomiske einingar (AU). Stjerneklassifiseringa til denne stjerna er B2.5, og med ein storleiksorden på 5,5, er ho berre 1/370-del så lys som Antares A, men skin med ein luminositet som er 170 gonger så stor som sola sin.
Antares kan eksplodere som ein supernova dei neste få hundretusen åra. Antares kan då vere like lys som fullmånen og vere synleg på dagtid.
Fotnotar
Kjelder Denne artikkelen bygger på «Antares» frå , den 23. mars 2015.
Bakgrunnsstoff
Antares at Constellation Guide
Scorpii, Alfa Scorpii, 21 Kategori:Dobbeltstjerner Kategori:Hovudseriestjerner klasse B Kategori:Superkjemper klasse M Kategori:Skorpionen Kategori:Stjerner med eigennamn Kategori:Irregulære variable Kategori:Objekt mindre enn 1000 lysår frå jorda Kategori:Øvre Skorpionen