Kati Wilhelm () er ein tysk tidlegare skiskyttar og langrennar frå Schmalkalden i Thüringen i Tyskland. Ho vann i perioden 2001-09 fem VM-gull og tre OL-gull i skiskyting, i alt sanka ho 20 medaljar i ulike verdsmeisterskap og olympiske leikar sesongane 2001-10. Wilhelm vann verdscupen i skiskyting 2006 og kom på andreplass i 2005, 2007 og 2009.
Aktiv Wilhelm var skiløpar på heiltid frå ho var 19 år gammal, tilknytt den tyske hæren. Under OL i Nagano i 1998 deltok ho på det tyske stafettlaget i langrenn som enda på femteplassen. I 1999 skifta ho frå langrenn til skiskyting. I 2001 tok ho sitt første VM-gull på sprinten i Pokljuka. I OL i Salt Lake City i 2002 tok ho gull på sprint og stafett, og sølv på jaktstarten.
I 2005-sesongen vann ho tre verdscuprenn og kom på andreplass samanlagt. Året etter gjekk ho heilt til topps i verdscupturneringa, med gord margin til nummer 2, svenske Anna Carin Olofsson. Wilhelm var flaggberar for Tyskland under opningsseremonien til OL i Torino i 2006, og vann der jaktstarten.
Kortfatta merittliste (pr. 28. februar 2006) Verdscupen samanlagt: Beste plassering: 2. plass (2004/05) Verdsmeisterskap: 1 gull (sprinten, 2001), 2 sølv, 3 bronse Olympiske leikar: 3 gull (sprint og stafett 2002, jaktstart 2006), 3 sølv Verdscuprenn: 14 gull, 13 sølv, 6 bronse
Bakgrunnsstoff Kati Wilhelm sine offisielle heimesider
Kategori:Tyske skiskyttarar Kategori:Tyske langrennsløparar Kategori:Verdsmeistrar i skiskyting Kategori:Olympiske meistrar for Tyskland Kategori:Olympiske sølvmedaljevinnarar for Tyskland Kategori:Olympiske bronsemedaljevinnarar for Tyskland Kategori:Tyske deltakarar under vinter-OL 1998 Kategori:Langrennsløparar under vinter-OL 1998 Kategori:Medaljevinnarar under vinter-OL 2002 Kategori:Tyske deltakarar under vinter-OL 2002 Kategori:Skiskyttarar under vinter-OL 2002 Kategori:Medaljevinnarar under vinter-OL 2006 Kategori:Tyske deltakarar under vinter-OL 2006 Kategori:Skiskyttarar under vinter-OL 2006 Kategori:Medaljevinnarar under vinter-OL 2010 Kategori:Tyske deltakarar under vinter-OL 2010 Kategori:Skiskyttarar under vinter-OL 2010 Kategori:Deltakarar under VM i skiskyting 2001 Kategori:Deltakarar under VM i skiskyting 2003 Kategori:Deltakarar under VM i skiskyting 2004 Kategori:Deltakarar under VM i skiskyting 2005 Kategori:Deltakarar under VM i skiskyting 2006 Kategori:Deltakarar under VM i skiskyting 2007 Kategori:Deltakarar under VM i skiskyting 2008 Kategori:Deltakarar under VM i skiskyting 2009