Bergtrupial (Macroagelaius subalaris) er ein fugl i trupialfamilien. Han er endemisk for Santander-departementet i Colombia.
Skildring Dette er ein relativt stor trupial, kroppslengd ca. 29 centimeter inkludert ein lang hale. Hannfuglar er litt større enn hofuglar. Fjørdrakta er heilsvart med blåglans, men dei har ein lite synleg kastanjefarga flekk i «armhola». Nebbet er konisk. Lætet er varierande, mellom anna ein høgfrekvent, ringelyd 'tirititiuu, tirititiuu, tirititiuu'.
Han lever i vestskråninga av den austlege fjellkjeda av Andes, i høgder mellom 1900 og 3100 moh.Fraga, 2011 Utbreiingsområdet er lite, ca. 640 km2, og ligg mellom Bucaramanga og sørover til vel 100 km i luftlinje sør for Bucaramanga i Santander-departementet. Han har tidlegare òg vore registrert sør for Bogotá. Bergtrupialar føretrekk habitat med fuktig, alpin skog, helst eik med epifyttar.
Populasjonen er estimert til å ligge i området 1000-2500 individ og minkande. Arten er klassifisert som sterkt truga.BirdLife International (2015) Trugsmåla inkluderer avskoging og mangel på passande biotop.
Kjelder
Referansar
Bakgrunnsstoff
Bilete på Flickr.com Henta 8. november 2015
Kategori:Trupialfamilien Kategori:Fuglar i andesregionen Kategori:Fuglar endemiske for Colombia