«It's Now or Never» er ein ballade spelt inn av Elvis Presley og publisert av Gladys Music, songforlaget til Elvis Presley, i 1960. Det var ein av to populære songar basert på den italienske songen «'O Sole mio» (musikken av Eduardo di Capua). Den andre er «There's No Tomorrow», spelt inn av den amerikanske songaren Tony Martin i 1949, som var inspirasjon for Presley sin versjon. Teksten var skriven av Aaron Schroeder og Wally Gold. Singelen er den nest mestseljande singelen til Presley og ein av dei bestseljande singlane gjennom tidene.

Seint i 1950-åra, medan han var stasjonert i Tyskland med U.S. Army, høyrde Presley innspelinga til Martin. I følgje The New York Times, som siterte frå boka Behind The Hits frå 1986, «fortalte han om ideen til musikkforleggjaren sin, Freddy Bienstock, som vitja han i Tyskland... Mr. Bienstock, som ofte fann låtskrivarar til Presley, drog attende til kontoret sitt i New York, der han fann låtskrivarane, [Aaron] Schroeder og Wally Gold, dei einaste som var på kontoret den dagen. Dei to skriv teksten på ein halvtime. Songen selde meir enn 20 millionar plater og gjekk til topps i mange land verda over og var den bestseljande singelen til Presley... ein song dei skreiv ferdig på 20-30 minutt til vart den største songen i karrieren deira.»

I 1960 gjekk «It's Now or Never» til topps i USA, og låg på førsteplassen i fem veker. I Storbritannia låg han åtte veker på toppen i 1960 og nok ei veke i 2005, då singelen kom ut på ny. Han nådde òg toppen av listene i mange andre land, og selde i overkant av 25 millionar eksemplar verda over. Den britiske utgjevinga vart forseinka ei stund fordi ein måtte ordne opp i opphavsrettane først, og det vart eit stort førehandssal på singelen som gjorde at han gjekk rett inn på toppen av den britiske singellista, noko som var særs sjeldan på den tida. «It's Now or Never» nådde sjuandeplassen på R&B-lista.

Ein konsertversjon i lag med «'O Sole mio» finst på konsertalbumet Elvis in Concert i 1977. «'O Sole mio» vart sungn av tenoren Sherrill Nielson.

Tidleg i 2005 vart songen gjeven ut på ny i lag med andre singlar av Presley i Storbritannia. Han gjekk då igjen til topps på UK Singles Chart den 5. februar 2005. Songen er òg nytta i miniserien Elvis.

Lister og salstrofé

Vekeslister Liste (1960–61)PlasseringAustralia (Kent Music Report)1Tyskland (Der Musikmarkt)2US Billboard Hot R&B Sides7US Singles (Cash Box)1

Liste (1977)Plassering

Liste (2005)Plassering

Årslister Liste (1960)RankUS Billboard Hot 1007US Singles (Cash Box)2

Salstrofé

John Schneider-versjonen

Den amerikanske countryartisten og skodespelaren John Schneider gav i 1981 ut ein versjon av songen som debutsingelen sin. Songen kom òg ut på debutalbumet hans, Now or Never. Schneider sin versjon nådde topp 5 på Billboard Hot Country Singles-lista og 14. plassen på Billboard Hot 100.

Lister Lister (1981)PlasseringCanadian RPM Country Tracks7Canadian RPM Adult Contemporary Tracks5U.S. Billboard Hot 10014U.S. Billboard Hot Country Singles4U.S. Billboard Hot Adult Contemporary Tracks5

Andre versjonar

Kjelder Denne artikkelen bygger på «It's Now or Never» frå , den 31. oktober 2016. oppgav desse kjeldene:

Kategori:Singlar frå 1960 Kategori:Singlar frå 1981 Kategori:Singlar frå 2005 Kategori:Debutsinglar frå 1981 Kategori:Songar frå 1960 Kategori:Elvis Presley-songar Kategori:John Schneider-songar Kategori:Songar skrivne av Aaron Schroeder Kategori:Songar på toppen av Billboard-lista Kategori:Nummer-ein-singlar i Storbritannia Kategori:Songar på toppen av VG-lista Kategori:Songar skrivne av Wally Gold Kategori:RCA Records-singlar Kategori:Scotti Brothers Records-singlar Kategori:Pat Boone-songar Kategori:Connie Smith-songar Kategori:Roger Whittaker-songar Kategori:Paul McCartney-songar Kategori:Wet Wet Wet-songar Kategori:Chris Isaak-songar Kategori:Amanda Lear-songar Kategori:Nummer-ein-singlar i Australia Kategori:Nummer-ein-singlar i Nederland Kategori:Nummer-ein-singlar i Belgia (Flandern)