Thomas Dorotheus Scheen Falck () var ein norsk kjøpmann og skipsreiar frå Drammen. Han var far til Hans L. Falck og representerte Stavanger og Haugesund på Stortinget i 1874.
Thomas S. Falck var son til ein tollar. Han var fleire år utanlands for å lære seg handel, ei tid «assoscie» i eit handelsfirma i Newcastle upon Tyne i England. Frå 1862 var han kjøpmann og skipsreiar i Stavanger. To år seinare vart han i tillegg administrerande direktør i Stavanger sjøforsikringsselskap. Han var også styremedlem i Stavanger kreditbank og i Stavanger støyperi og dokk.
Frå 1864 var Falck medlem i Stavanger bystyre. For perioden 1874-76 vart han kåra til stortingsmann på valtinget 1873. Grunna sjukdom møtte han berre på 1874-sesjonen, medlem av bankkomiteen.
Falck døydde i Hillevåg i Hetland herad, 60 år gammal.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1874-1876 Kategori:Stortingsrepresentantar for Stavanger og Haugesund Kategori:Lokalpolitikarar i Stavanger Kategori:Norske skipsreiarar Kategori:Folk frå Drammen Kategori:Folk frå Stavanger