«Run with the Lions» ('spring med løvene') er ein popballade frå 2019 som vert framført av den litauiske songaren Jurijus Veklenko. Songen var det litauiske bidraget til Eurovision Song Contest 2019 i Tel Aviv i Israel.
Bakgrunn «Run with the Lions» er skriven av engelske Ashley Hicklin, amerikanske Eric Lumiere og sveitsiske Pele Loriano. Songen vart plukka ut til å delta i songtevlinga til den litauiske kringkastaren LRT televizija Eurovizijos dainų konkurso nacionalinė atranka. Songaren Jurijus Veklenko vart vald til å framføre han. Etter fleire innleiande rundar og semifinalar tok songen seg til finalen 23. februar 2019. Der vann «Run with the Lions» og vart det litauiske bidraget til Eurovision Song Contest 2019.
Ein oppgradert versjon av låten vart utgjeven for nedlasting og strøyming 1. april 2019.
Eurovision Song Contest I januar 2019 vart Litauen trekt ut til å delta i den andre semifinalen av Eurovision Song Contest. Semifinalen vart arrangert i Expo Tel Aviv i Israel torsdag 16. mai, og Litauen hadde startnummer 12. «Run with the Lions» vart ikkje blant dei ti beste i semifinalen, og kvalifiserte seg dimed ikkje til finalen laurdag 18. mai. Songen enda på ellevteplass og var berre eitt poeng unna tiandeplassen og ein plass i finalen.
Kjelder
Denne artikkelen bygger på «Run with the Lions» frå , den 26. desember 2021.
Kategori:Litauiske Eurovision Song Contest-songar Kategori:Eurovision Song Contest 2019-songar Kategori:Engelskspråklege Eurovision Song Contest-songar