Salepsrot (Anacamptis pyramidalis) er ei plante i narrmarihandslekta Anacamptis i orkidéfamilien (marihandfamilien) Orchidaceae. Ho veks ikkje i Noreg.
Systematikk Salepsrot var tidlegare den einaste arten i slekta Anacamptis, men no er fleire artar flytta over frå vårmarihandslekta Orchis.
I Plants of the World Online (Kew) reknar ein med desse varietetane: A. pyramidalis var. dunensis Londo, Kreutz & Slings: Nederland, Frankrike A. pyramidalis var. pyramidalis A. pyramidalis var. urvilleana (Sommier & Caruana) Schltr.: Sicilia
Utbreiing I Sverige finst salepsrot (svensk namn salepsrot) på Öland, der han har vore i tilbakegang, og på Gotland, der han er ganske vanleg. Arten er i Sverige rekna som livskraftig (LC).
I Danmark (dansk namn horndrager) er han berre kjend frå nokre få spreidde funnstader, og er klassifisert som sårbar (VU).
Salepsrot (engelsk namn pyramidal orchid) er vanleg over det meste av Dei britiske øyane. I både den britiske og den irske raudlista har arten status som livskraftig (LC), på same måte som lokalt i England og Wales, og han er ikkje nemnd for tiltak i Skottland.
I Estland (estisk namn püramiid-koerakäpp) veks salepsrot på Saaremaa med berre eit par registrerte funn på fastlandet. Arten har status som sårbar (VU).
I Benelux er arten (nederlandsk namn hondskruid, fransk namn orchis pyramidal) sjeldan i Nederland og er først og fremst å finne i Limburg og i dynelandskapet nær kysten. Plantene i dynelandskapet blir no rekna til ein eigen varietet, A. pyramidalis var. dunensis. I Flandern i Belgia er han svært sjeldan, men i Vallonia er han ganske vanleg i Famenne og Gaume i søraust. I den nederlandske raudlista er arten rekna som livskraftig (LC, thans niet bedreigd), I Belgia er han rekna som nær truga (NT, bijna in gevaar) i Flandern og sårbar (VU, vulnérable) i Vallonia. I Luxembourg er han nedgradert i 2025 frå sårbar til livskraftig (LC).
I Tyskland er arten (tysk namn Pyramiden-Knabenkraut) rekna som sårbar (VU, gefährdet). I Polen har arten (polsk namn koślaczek stożkowaty) lenge vore i tilbakegang og var rekna som utdøydd, men er attfunnen i dalen langs elva Oder og er no rekna som kritisk truga (CR, krytycznie zagrożony).
Hybridar Salepsrot kan danne ein intergenerisk hybrid (hybrid mellom ulike slekter) med brudespore (Anacamptis pyramidalis × Gymnadenia conopsea eller ×Gymnanacamptis anacamptis). Hybriden er observert sporadisk i England.
Referansar
Bakgrunnsstoff
Kategori:Orkidear i Sverige Kategori:Orkidear i Danmark Kategori:Orkidear i Storbritannia Kategori:Orkidear i Irland Kategori:Orkidear i Estland Kategori:Orkidear i Nederland Kategori:Orkidear i Belgia Kategori:Orkidear i Luxembourg Kategori:Orkidear i Tyskland Kategori:Orkidear i Polen Kategori:Narrmarihandslekta