Senbere Teferi () er ein etiopisk mellom- og langdistanseløpar som vann sølvmedaljen på 5 000 meter under verdsmeisterskapen 2015 i Beijing.
Aktiv Teferi kneip sølvmedaljen på 5 000 meter ved Friidretts-VM 2015, hårfint framom landskvinna Genzebe Dibaba. Sommaren 2016 sette Teferi personbeste på så vel 5 000 som 10 000 meter. På mila fekk ho notert 30.40,5 i juni, medan ho på 5 000 m kom i mål på tida 14.29,8 ved eit stemne i september. Både i det mellomliggjande Sommar-OL 2016 og i Friidretts-VM 2017 enda ho på femteplass på 5 000 meter. Ho forbetra den personlege rekorden til 14.23,3 i Rabat i juli 2018. 8. juni 2021 gjorde Teferi sitt livs beste løp då ho i Hengelo sprang 5 000-meteren på sterke 14.15,2. Til Sommar-OL i Tokyo i juli månad kom ho som ein av favorittane, men enda på tiandeplass.
Medaljar og plasseringar i internasjonale meisterskap VM 2013 i Moskva: Utslått i kvalifiseringa på 1500 m (4.11,4=nr 30) VM 2015 i Beijing: Sølvmedalje på 5 000 m – 14.44,0, bakom Almaz Ayana (14.26,8) OL 2016 i Rio de Janeiro: Nr 5 på 5 000 m – 14.43,7 VM 2017 i London: Nr 5 på 5 000 m – 14.47,4 VM 2019 i Doha: Nr 6 på 10 000 m – 30.44,2 OL i 2021 i Tokyo: Nr 6 på 5 000 m – 14.54,3
Kjelder
Denne artikkelen bygger på «Senbere Teferi» frå , den 13. juli 2022.
World Athletics
Kategori:Etiopiske langdistanseløparar Kategori:Etiopiske deltakarar under sommar-OL 2016 Kategori:Friidrettsutøvarar under sommar-OL 2016 Kategori:Etiopiske deltakarar under sommar-OL 2020 Kategori:Friidrettsutøvarar under sommar-OL 2020