Silvia Neid () er ein tysk tidlegare fotballspelar og trenar. Ho er ein av dei mest suksessfulle spelarane i tysk kvinnefotball, etter å ha vunne sju nasjonale ligatitlar og seks DFB-Pokal-trofear. I 2005 til 2016 var Neid landslagstrenar for det tyske kvinnelandslaget. I 2010, 2013 og 2016 blei ho kåra til årets trenar av FIFA.
Karriere Neid debuterte på det tyske landslaget 10. november 1982 mot Sveits. Det var også den aller fyste internasjonale kampen Tyskland spela. I løpet av kampen scora Neid to mål, og Tyskland vann til slutt 5–1. Fram til 25. juli 1996 spela ho 111 landskampar og scora 48 mål. I 79 av kampane var Neid kaptein for det tyske landslaget. Neid spela sin siste landskamp mot Brasil i Sommar-OL i 1996 i Atlanta.
Med klubbane SSG 09 Bergisch Gladbach og TSV Siegen vann Neid sju tyske ligatitlar og seks DFB-Pokal-trofear. Neid var med på det tyske landslaget som blei europameistrar i 1989, 1991 og 1995, og som tok sølv i fotball-VM i 1995.
Som trenar var Neid trenar for det tyske juniorlandslaget, men ho fungerte samstundes som assistenttrenar for kvinnelandslaget. I 2005 tok Neid over som trenar for det tyske kvinnelandslaget. Hennar største merittar som landslagstrenar er gull i VM i 2007, gull i EM i 2009, gull i Sommar-OL i 2016 og bronse i Sommar-OL i 2008.
I 2007 blei Neid tildelt Bundesverdienstkreuz.Köhler zeichnet Fussball-Weltmeisterinnen aus, Focus, (på tysk) 5. desember 2007.
Kjelder
Denne artikkelen bygger på «Silvia Neid» frå , den 12. august 2023.
Bakgrunnsstoff Offisiell nettside Silvia Neid hos Weltfussball.de. Silvia Neid hos Deutschen Fußball-Bundes Silvia Neid hos Olympedia Silvia Neid hos Soccerdonna.de
Kategori:Tyske fotballspelarar Kategori:Tyske fotballtrenarar Kategori:Tyske kvinnelandslagsspelarar i fotball Kategori:Folk frå Baden-Württemberg