Einar Jørgensen () var ein norsk offiser og politikar frå Kristiansand. Han var stortingsmann frå kjøpstadene i Agder-fylka og Rogaland valperioden 1928-30, der han representerte partiet Venstre.
Jørgensen tok examen artium i 1893 og vart uteksaminert frå krigsskulen i 1896. Deretter gjekk han inn i Kristiansandsbrigaden som premierløytnant. Han vart forfremja til kaptein i 1900, major i 1919 og oberst i 1930. I tida 1930-35 var han sjef for Agder infanteriregiment.
Jørgensen var medlem i Kristiansand bystyre frå 1911 til 1940. Han var ordførar i Kristiansand 1914-19 og 1932-37. Hausten 1927 vart han vald til stortingsrepresentant for Venstre og Kristiansand, Mandal, Flekkefjord, Stavanger, Haugesund. På tinget var han sekretær i Militærkomiteen.
Han var riddar av den danske Dannebrogordenen.
Kjelder Stortinget. 1928-30
Bakgrunnsstoff Ordfører Einar Jørgensen ved agderkultur.no
Kategori:Stortingsrepresentantar 1928-1930 Kategori:Folk frå Kristiansand Kategori:Dannebrogordenen