Bjørkedalsvatnet er ein innsjø som ligg i Bjørkedalen i Volda kommune i Møre og Romsdal. Innsjøen er 3600 m lang og jamnt over 1000-1200 m brei. Han smalnar av mot nord, der Vassenden er. Frå Vassenden fører Vassendelva ned til Kilsfjorden. Vatnet går gjennom tre korte elvar og to vatn før det er i sjøen.
Langs Bjørkedalsvatnet ligg matrikkelgardane Nøre-Bjørkedal (i aust), Helset (ved sørenden) og Løset, Eidseflot og Søre-Bjørkedal (på vestsida). Norddelen av vatnet er ubebodd.
Riksveg 651 går langs vestsida av vatnet.
Kategori:Innsjøar i Møre og Romsdal Kategori:Geografi i Volda