mini|DLR-tog ved Canary Wharf
Docklands Light Railway (DLR) er eit kollektivtilbod i Docklands i det austlege London. Linja blir administrert av Transport for London (TfL). Ho er ikkje ein del av London Underground, men er teikna inn på undergrunnkartet og er nært knytt til undergrunnen gjennom stasjonar der det er mogleg å gå direkte mellom undergrunnen og DLR. Linja blei opna av dronning Elisabeth II den 31. juli 1987.
Toga er heilautomatiske, og har ingen førar. Det er ein konduktør (kalla serviceagent) om bord på kvart tog, som kontrollerer billettar og kontrollerer dørene. I nødstilfelle kan desse òg køyre toget.
DLR blei føreslått bygd i slutten av 1980-åra, i samband med byfornyinga i Docklands. Linja skulle ligge i dagen, og har tre greiner med endeholdeplassar på stasjonane Tower Gateway, Stratford og Island Gardens. Det var planlagt å bruke moderne trikkar, men i staden valde ein den nyaste teknologien med førarlause tog. Det meste av sporet blei heva over bakken. Togene har berre ei lang vogn.
Greinene kryssar kvarandre like ved Poplar, og det blir køyrt ruter på kryss og tvers mellom alle endestasjonane.
Stasjonar
Stasjonar på vest-austgåande greiner
Endestasjon: Bank for sentrale London Endestasjon: Tower Gateway for Tower of London Shadwell (greinene til Bank og Tower Gateway skil lag rett etter Shadwell) Limehouse Westferry Poplar Blackwall East India West Silvertown Pontoon Dock London City Airport Endestasjon: King George V Canning Town Royal Victoria Custom House Prince Regent Royal Albert Beckton Park Cyprus Gallions Reach Endestasjon: Beckton
Stasjonar på nord-sørgåande greiner Endestasjon: Stratford Pudding Mill Lane Bow Church Devons Road All Saints Poplar (sjå ovanfor) West India Quay Canary Wharf Heron Quays South Quay Crossharbour Mudchute Island Gardens Cutty Sark for Maritime Greenwich Greenwich Deptford Bridge Elverson Road Endestasjon: Lewisham
Kategori:Kollektivtransport i Storbritannia Kategori:Samferdsle i London