Péter Lékó () er ein ungarsk sjakkspelar. Han var eit sjakk-vedunderbarn og blei Stormeister i sjakk i 1994, berre 14 år gamal. Han var den yngste som hadde oppnådd denne tittelen då. På Verdssjakkforbundet FIDE si ratingliste over dei høgast rata spelarane i verda ligg han på ein 10-plass pr 1. juli 2008 med ein rating på 2741.
I september - oktober 2004 spelte Lékó tvikamp om den såkalla klassiske verdsmeisterskapen i sjakk mot verdsmeisteren Vladimir Kramnik, Russland, i Brissago i Sveits. Kampen gjekk over 14 parti, og etter 13 parti leia Péter Lékó med 7-6. Men Kramnik vann det siste partiet, sluttresultatet vart uavgjort 7-7, og Kramnik kunne behalde tittelen etter dei reglane som var sett opp for tvikampen.
Sterke resultat 1995: 3. plass i Dortmund-turneringa i sjakk 1996: Vann VM for spelarar under 16 år 1999: 1. plass i Dortmund 2001: 3. plass i Dortmund 2002: 1. plass i Dortmund-turneringa i sjakk Vann dermed etten til å utfordre Vladimir Kramnik om VM-tittelen 2003: 1. plass i Linares-turneringa i sjakk 2004: 2. plass i Corus sjakkturnering 2004: 2. plass i Linares 2004: Spelte uavgjort i VM-kamp mot Vladimir Kramnik 2005: 1. plass i Corus sjakkturnering 2008: 1. plass i Dortmund
Bakgrunnsstoff Offisiell heimeside Ratingkort hos FIDE Offisiell heimeside for VM 2004 Kramnik mot Leko Dannemann World Chess Championship 2004 Alle reportasjane frå Chessbase Lékó sine parti hos ChessGames.com VM 2005, 4.plass 25 kritiske stillingar frå Lékó sine parti
Denne artikkelen bygger på «Peter Leko» frå , den 4. juli 2008.
Kategori:Ungarske sjakkspelarar Kategori:Stormeistrar i sjakk Kategori:Sjakk-vedunderbarn Kategori:Fødde i 1979