Mangawhai ein liten by i regionen Northland på New Zealand ved Mangawhai Harbour. Mangawhai ligg i den sørvestlege delen av hamna, og busetnaden Mangawhai Heads ligg fem km mot nordaust. Kaiwaka ligg 13 km mot sørvest og Waipu 20 km nordvest for Mangawhai Heads.
Folketalet i Mangawhai distrikt var 813 ved folketeljinga i 2006, ein oppgang på 189 frå 2001. Det statistiske distriktet dekkjer eit betydeleg større område enn sjølve byen. Folketalet i Mangawhai Heads var 852 i 2006, opp 132 frå 2001.
Historikk
Tidleg og midt på 1800-talet var Mangawhai Harbour ein av dei viktigaste tilgangsstadane til Kaipara. Maoriar frå iwien Ngāti Whātua brukte å dra wakaer (kanoar) over land frå Kaiwaka til Mangawhai.The journal of the Polynesian Society, bind 10, utgjeve 1901, forlag: Polynesian Society, side 30 Ei gruppe krigarar frå iwien Ngā Puhi gjekk i land ved Mangawhai i februar 1828 og drog tolv kilometer inn i landet for å gå til åtak på Ngāti Whātua ved Te Ika-a-ranga-nui nær Kaiwaka.
Seinare på 1800-talet reiste nybyggjarar med båt frå Auckland til Mangawhai, så gjekk dei til Kaiwaka, og drog så vidare att med båt over Kaipara Harbour. Tidleg på 1860-talet fanst det ein kjerreveg mellom Mangawhai og Kaiwaka.
mini|Mangawhai Heads Beach. Byane marknadsfører seg som turistmål ikkje så langt frå Auckland med natur prega av mangrovar og pōhutukawa-tre på ei side av hamna og fine strender og sanddyner på den andre.
Sandindustri Utvinning av sand starta ved innløpet til Mangawhai Harbour i 1953. I 1988 fall sanddynene saman, og innløpet til hamna var stengt i fire år før det vart opna att. Interessegruppa The Mangawhai Harbour Restoration Society meiner at det var utvinninga av sand som starta kollapset.
Frå 1993 til 2004 vart sand til kommersiell bruk sogen ut frå sandbankane ved Mangawhai Heads. I 2004 vann Mangawhai Harbour Restoration Society ei rettsavgjerd i Miljødomstolen om å stoppa utferding av nye lisensar for sandfjerning. Selskapa anka avgjerda til regionstyret i Auckland, men fekk avslag her også i 2005.Nautical News: Mangawhai Harbour Sand Mining Ban
Ein søknad om å få utvinna sand i Mangawhai Forest var i 2008 til handsaming i Miljødomstolen.Sand mining likely at Mangawhai Forest, Rodney Times, 29. januar 2008}}
Referansar
Denne artikkelen bygger på «Mangawhai» frå , den 24. juli 2008.
Bakgrunnsstoff
Heimeside til Mangawhai
Kategori:Kaipara District Kategori:Byar på New Zealand