Mathias Gerhard «Tias» Eckhoff () var ein norsk formgjevar fødd i Vestre Slidre.
Utdanning Eckhoff tok keramikklinja ved Statens håndverks og kunstindustriskole. Han var i praksis som keramikar hjå Saxbo i Danmark, og gjorde mange studiereiser i inn- og utland. Han hadde også praksis ved Bjørre Norsk Keramikk i Asker, saman med Eystein Sandnes, ein annan kjent norsk designar.
Arbeid Han arbeidde for Porsgrunds Porselænsfabrik frå 1949, som kunstarleg leiar frå 1953 til 1960, og seinare som konsulent. Dei mest kjende servisa han formgav for Porsgrund var Det Riflete (1952) og Glohane (1955), men han formgav også modellar som Regent, Hankø, Nektar og Meny. Han formgav også fleire restaurantservise og sanitære modellar som handvaskar.
Frå 1957 fekk Eckhoff seg eige teiknekontor i Oslo. Han formgav fleire bestikkseriar for Georg Jensen, sylvbestikket Cypress, Lundtofte, stålbestikka Eckhoff, Opus og Fuga, og Norsk Stålpress, stålbestikka Maya, Una, Tiki og Chaco. På 1970- og 80-talet formgav han fleire stablestolar, Ana og Tomi i plast. I 1995 kom ein stol og eit bord i frompressa finer, Bella.
Han har også formgjeve andre ting som nøklar for Trio Ving og kunstglas for Hadeland glassverk.
Prisar og utmerkingar (utval) 1953: Lunningprisen 1954: Gullmedalje ved Triennalen i Milano 1957: Gullmedalje ved Triennalen i Milano 1970: Gullmedalje ved Triennalen i Milano 1961: Gullmedalje Deutsche Handwerksmesse i München 1974: Jacob-prisen 11. juni 2006 vart Eckhoff utnemnd til kommandør av St. Olavs Orden for innsats for norsk industridesign.
Representert i desse samlingane Kunstindustirmueet i Oslo Nordenfjeldske kunstindustrimuseum, Trondheim Vestlandske kunstindustrimuseum, Bergen Kunstindustrimuseet i København Røhsska konstsjöjdmusset, Göteborg Nationalmuseet i Stockholm Victoria and Albert Museum, London Museum of Applied Art, Seattle Cooper-Hewitt, New York Design Center, Singapore Philadelphia Museum of Art Deutsches Klingenmuseum, Solingen Kunstgewerbe Museum, Köln Das Landes Gewerbe Museum, Stuttgart
Bakgrunnsstoff Høyskolen i Oslo Kunstweb Alf Bøe og Inger Helene Stemshaug: Tias Eckhoff : en pionér i norsk industridesign ISBN 82-7143-039-4
Eckhoff, Tias Kategori:Folk frå Vestre Slidre Kategori:St. Olavs Orden