Hans Herluf Dahl () var ein norsk kjøpmann og politikar frå Molde.
Dahl var son av ein kjøpmann i Molde. Fjorten år gammal fekk han plass som betjent hos ein kjøpmann i Trondheim. Etter fem år der, vart han tilsett på kontoret til kjøpmann Nicolai Knudtzon i Kristiansund. I 1828 opna han si eiga handelsverksemd i byen. År 1837 vart han vald til fyrste ordføraren i Kristiansund, hadde sete i bystyret til 1860. Medlem av forlikskommisjonen i mange år.
Dahl represenetrte Kristiansund og Molde på Stortinget i 1839 og 1842. Han var då medlem av tollkomiteen. På ny stortingsmann i 1854, då einast for Kristiansund, medlem av protokollkomiteen.
Dahl døydde i Kristiansund i 1886. Han var gift med ei dotter av Lorentz Angell.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1839-1841 Kategori:Stortingsrepresentantar 1842-1844 Kategori:Stortingsrepresentantar 1854-1856 Kategori:Stortingsrepresentantar for Kristiansund Kategori:Stortingsrepresentantar for Kristiansund og Molde Kategori:Ordførarar i Kristiansund Kategori:Norske handelsfolk Kategori:Folk frå Molde