Kristian Mauritz Mustad () var ein norsk sakførar og stortingsmann frå Vardal i Oppland. Ole Mustad var far hans, og Sigbjørn Mustad son hans.
Mustad vart student frå Lillehammer skole i 1866 og cand. jur. i 1872. Han var frå 1881 overrettssakførar i Aurdal, sidan i Vardal. I årevis var han medlem av heradsstyret.
Han var stortingsrepresentant for Kristians amt frå 1883 til 1894. Heile tida var han medlem av Lagtinget. Attåt var han 1883-85 medlem av justiskomiteen, 1886-88 av justiskomite nr 2, samt 1889-94 sekretær i justiskomiteen. Mustad var i 1883-84 medlem av riksretten mot Selmer-ministeriet. Også medlem av vitnekomiteen til riksretten.
Han døydde i Vardal i 1913.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1883-1885 Kategori:Stortingsrepresentantar 1886-1888 Kategori:Stortingsrepresentantar 1889-1891 Kategori:Stortingsrepresentantar 1892-1894 Kategori:Stortingsrepresentantar for Oppland Kategori:Stortingsrepresentantar frå Venstre Kategori:Norske advokatar Kategori:Folk frå Gjøvik