Heinrich Rohrer () var ein sveitsisk fysikar. Rohrer mottok Nobelprisen i fysikk i 1986 saman med Gerd Binnig for å ha konstruert Scanning-tunneling-mikroskop (STM). Den andre halvdelen av prisen vart tildelt Ernst Ruska for hans grunnleggjande elektronoptiske arbeid, og for konstruksjon av det første elektronmikroskopet.
Rohrer byrja på EHT Zürich i 1951, der han studerte saman med Wolfgang Pauli. Hans doktoravhandling handla om arbeid med å måle lengdeendringar i superleiarar ved magnetfeltinduserte superleiiande overgangar, eit prosjekt starta av Jörgen Lykke Olsen. I løpet av forskinga fann han ut at han måtte gjere det meste av forskinga om natta, etter at byen hadde stilna, fordi målingane vart så lett påverka av vibrasjonar.
Studiane vart avbrotne av militærteneste i det sveitsiske fjellinfanteriet. I 1961 gifta han seg med Rose-Marie Egger. Bryllupsreisa til USA inkluderte ei avgrensa forsking på termisk leiingsevne av type II-superleiarar og metall saman med Bernie Serin ved Rutgers University i New Jersey.
Kjelder Denne artikkelen bygger på «Heinrich Rohrer» frå , den 22. februar 2012.
Kategori:Sveitsiske fysikarar Kategori:Nobelprisen i fysikk Kategori:Folk frå Sankt Gallen Kategori:Sveitsiske nobelprisvinnarar Kategori:Fysikarar på 1900-talet Kategori:Fysikarar på 2000-talet Kategori:Medlemmar av United States National Academy of Sciences Kategori:Medlemmar av Det russiske vitskapsakademiet