Bloomsbury Publishing plc er eit uavhengig internasjonalt forlag med hovudkontor i London. Det har også kontor i Sydney, New York og New Delhi og gjev hovudsakleg ut engelskspråkleg skjønnlitteratur og sakprosa.
Selskapet blei skipa i 1986 av Nigel Newton. Hovudkontoret ligg i Camden i London.«Contact Us», Bloomsbury Publishing. «50 Bedford Square London WC1B 3DP» Bloomsbury blei børsnominert i 1995. I 2000 kjøpte det opp A&C Black Plc, som mellom anna gjev ut Who's Who og Whitaker's Almanack. I 2005 kjøpte det også barne- og ungdomsavdelinga til Walker & Co og i 2008 Berg Publishers, John Wisden & Co og Arden Shakespeare. I 2012 kjøpte Bloomsbury Fairchild Books, eit akademisk forlag innan mote og design, og i 2013 blei det eigaren av Hart Publishing Ltd.
Bloomsbury er best kjend for å ha gjeve ut britiske versjonar av Harry Potter-bøkene Harry Potter-side hos Bloomsbury og har vokse mykje det siste tiåret grunna serien til J.K. Rowling. Bloomsbury var i 1999 og 2000 kåra til Publisher of the Year av den britiske bokbransjen. Det gav også ut Finkler Question av Howard Jacobson, som vann Man Booker-prisen i 2010.
Andre forfattarar knytt til Bloomsbury er Khaled Hosseini, William Boyd, Donna Tartt, Elizabeth Gilbert, John Irving, William Dalrymple, Dava Sobel, Heston Blumenthal og Hugh Fearnley-Whittingstall.
Kjelder
Bakgrunnsstoff
Kategori:Forlag Kategori:Skipingar i 1986