«Love Is All Around» er ein song av det engelske rockebandet The Troggs. Han vart skriven av frontmannen Reg Presley og var visstnok inspirert av ei fjernsynssending av bandet Joy Strings frå Frelsesarmeen av «Love That's All Around». Songen vart først gjeven ut på singel i Storbritannia i oktober 1967 og nådde der femteplassen på singellista. På Hot 100-lista i USA gjekk songen inn på 98. plassen i februar 1968 og nådde sjuandeplassen i mai 1968, og låg i alt 16 veker inne på lista. Songen vart òg gjeven ut på albumet Cellophane.

«Love Is All Around» ar blitt spelt av mange andre artistar, inkludert R.E.M., som The Troggs spelte inn albumet Athens Andover med i 1992. R.E.M. sin versjon kom ut som B-sida til singelen deira «Radio Song» i 1991. Wet Wet Wet sin versjon vart spelt inn for filmen Four Weddings and a Funeral i 1994 og vart ein enorm hit verda over, og låg mellom anna 15 veker på toppen av UK Singles Chart.

Salslister Liste (1967–68)PlasseringIrland (IRMA)17

Wet Wet Wet-versjonen

Richard Curtis møtte Wet Wet Wet for å spørje om dei ville spele inn ein song for filmen hans Four Weddings and a Funeral. Bandet fekk velje mellom tre songar. Dei to andre var «I Will Survive» av Gloria Gaynor og «Can't Smile Without You» av Barry Manilow. Songaren Marti Pellow har fortalt at valet av «Love is All Around» var eit lett val «fordi me visste me kunne gjere han til vår eigen». Songen, som har ein annan introduksjon enn The Troggs-versjonen, vart spelt inn 4. januar 1994 og kom ut i mai.

Salslister 15. mai 1994 gjekk «Love Is All Around» inn på UK Singles Chart på ein fjerdeplass. Etter å ha klatra til andreplassen veka etter, nådde han toppen av lista 29. mai. Der vart han liggande i 15 veker. Det er det nest lengste ein song har lege på toppen av denne lista, berre slått av Bryan Adams sin «(Everything I Do) I Do It for You», som låg 16 veker på toppen av lista i 1991. Songen låg i alt 22 veker inne på Topp 75. Songen låg så lenge på toppen av somme radiostasjonar nekta å spele songen, fordi mange lyttarar var lei av han. Bandet valde til slutt sjølv å trekkje singelen attende frå sal. Fram til 2016 hadde singelen seld 1,88 millionar eksemplar i Storbritannia, noko som gjer han til den bestseljande kjærleiksballaden gjennom tidene. I Noreg låg songen 11 veker på toppen av VG-lista.

Reg Presley brukte dei store inntektene han fekk som låtskrivar av songen på forsking av mellom anna kornsirklar. Pellow spelte òg inn sin eigen versjon av songen i 2002 på albumet Marti Pellow Sings the Hits of Wet Wet Wet & Smile.

Innhald Amerikansk promosingel «Love Is All Around (Remix)» «Love Is All Around» CD 1 «Love Is All Around» «I Can Give You Everything» (7" Arthur Baker soul remix) «Ain't No Stoppin'/Le Freak»

CD 2 Limited Edition Digi Pack «Love Is All Around» «Is This Love?» (live) «Love Is All Around» (TV mix) «I Can Give You Everything» (12" house mix)

Kassett «Love Is All Around» «I Can Give You Everything» (7" Arthur Baker soul remix)

7" «Love Is All Around» «I Can Give You Everything» (7" Arthur Baker remix)

Salslister og salstrofé

Vekeslister Liste (1994) PlasseringCanada (RPM)17Danmark (IFPI)2Finland (Suomen virallinen lista)1Irland (IRMA)Irish Singles Chart Irishcharts.ie (Henta 10. april 2008)2Spain (AFYVE) 5US Billboard Hot Adult Contemporary Tracks8

Årslister Liste (1994)PlasseringAustralia (ARIA)1Den austerrikske singellista1994 Den austerrikske singellista Austriancharts.at (Henta 4. april 2018)2Den franske singellista1994 Den franske singellista Disqueenfrance.com (Henta 30. januar 2009)14New Zealand (Recorded Music NZ)1Den sveitsiske singellista1994 Den sveitsiske singellista Hitparade.ch (Henta 4. april 2018)5UK Singles (Official Charts Company)1

Salstrofé

| Australia | 3× Platina | 210,000^ |- | AusterrikeAustrian certifications . ifpi.at. Henta 4. april 2018. | Platina | 30,000 |- | Tyskland | Platina | 500,000 |- | NederlandDutch certifications . nvpi.nl. Henta 9. desember 2008. | Gold | 40,000 |- | SverigeSwedish certifications . ifpi.se. Henta 11. september 2008. | Platina | 20,000 |- | StorbritanniaUK certifications . bpi.co.uk. Henta 4. april 2018 | 3× Platina | 1,900,000

Andre versjonar Frø dei fekk internasjonal suksess med singelen sin «These Eyes», vart «Love Is All Around» spelt av The Guess Who kring 1967/68, og finst på samlealbumet This Time Long Ago. Songen vart òg spelt av Lotta Engbergs orkester som «Du ger mig av din kärlek» med svensk tekst av Peter Stedt i 1994 medan ei spansk utgåve, «El amor me envuelve (sabes que te amo)» vart spelt inn av Rocío Banquells i 1999 på albumet hennar Fuerza Del Amor. Andre versjonar er spelt av The Johnny Mann Singers i 1968 på albumet This Guy's In Love With You • The Look Of Love.

Songen er òg blitt nytta i filmane Get Real (1998), Love Actually (som julesongen «Christmas Is All Around» framført av Bill Nighy som den oppdikta rockestjerna Billy Mack) og ein episode av situasjonskomedien The Vicar of Dibley. R.E.M. sin versjon er nytta i filmen I Shot Andy Warhol.

Kjelder

Denne artikkelen bygger på «Love Is All Around» frå , den 4. april 2018.

Bakgrunnsstoff

Kategori:Songar frå 1967 Kategori:Singlar frå 1967 Kategori:Singlar frå 1994 Kategori:The Troggs-songar Kategori:Wet Wet Wet-songar Kategori:Nummer-ein-singlar i Australia Kategori:Nummer-ein-singlar i Austerrike Kategori:Nummer-ein-singlar i Finland Kategori:Nummer-ein-singlar i Nederland Kategori:Nummer-ein-singlar i New Zealand Kategori:Nummer-ein-singlar i Skottland Kategori:Nummer-ein-singlar i Sverige Kategori:Nummer-ein-singlar i Sveits Kategori:Nummer-ein-singlar i Storbritannia Kategori:Nummer-ein-singlar i Belgia (Flandern) Kategori:Songar skrivne av Reg Presley Kategori:Popballadar Kategori:Fontana Records-singlar Kategori:Mercury Records-singlar Kategori:PolyGram-singlar Kategori:R.E.M.-songar Kategori:Martin Denny-songar Kategori:James Last-songar Kategori:Richard Clayderman-songar Kategori:Hank Marvin-songar